कोरोना युद्धाच्या काळात डॉक्टरांच्या तक्रारींवर तोडगा काढा - सर्वोच्च न्यायालय

नवी दिल्ली, १३ जून : युद्धाच्या काळात आपण सैनिकांना नाराज करू नका. थोडे पुढे पाऊल टाकून डॉक्टरांच्या तक्रारींवर तोडगा काढा आणि त्यासाठी अतिरिक्त निधीची तरतूद करा, अशा शब्दात सुप्रीम कोर्टाने सरकारला यावर उपाय करायला सांगितला. एका डॉक्टरांनी याबाबत याचिका दाखल केली आहे. यात असा आरोप केला आहे की, कोरोनाविरुद्धच्या लढाईत पहिल्या रांगेत असलेल्या योद्ध्यांना वेतन दिले जात नाही. वेतनात कपात केली जात आहे. वेतनाला विलंब होत आहे.

न्या. अशोक भूषण, न्या. संजय किशन कौल आणि न्या. एम. आर. शाह यांच्या पीठाने व्हिडिओ कॉन्फरन्सच्या माध्यमातून सुनावणी केली. डॉक्टरांच्या समस्यांबाबत ही याचिका दाखल झाली आहे. न्यायालयाने म्हटले आहे की, अशा बातम्या येत आहेत की, अनेक क्षेत्रात डॉक्टरांना वेतन दिले जात नाही. आम्ही अशा बातम्या पाहिल्या आहेत की, डॉक्टर संपावर आहेत. दिल्लीत काही डॉक्टरांना तीन महिन्यांपासून वेतन नाही. याकडे लक्ष द्या. यात न्यायालयाच्या हस्तक्षेपाची गरज पडू नये.

तत्पूर्वी कोरोना रुग्णांना मिळणारे उपचार आणि मृतदेहांची होणारी हेळसांडप्रकरणी सर्वोच्च न्यायालयाने केंद्र आणि राज्य सरकारांना नोटीस पाठवली आहे. तसंच चाचण्यांची संख्या कमी होत असल्याचीही दखल घेतली आहे. न्यायमूर्ती अशोक भूषण, संजय किशन कौल आणि एम आर शाह यांच्या खंडपीठासमोर ही सुनावणी पार पडली. न्यायालयाने केंद्र सरकारसबोत दिल्ली, महाराष्ट्र, पश्चिम बंगाल आणि तामिळनाडू सरकारला नोटीस पाठवली आहे.

कोरोना रुग्णांना मिळणारा उपचाराचा दर्जा आणि करोनामुळे मृत्यू झालेल्या रुग्णांच्या मृतदेहांची लावण्यात येणारी विल्हेवाट याची दखल घेत सर्वोच्च न्यायालयाने केंद्र आणि राज्यांना खडसावलं आहे. करोना रुग्णांच्या मृतदेहांना जनावरांपेक्षाही वाईट वागणूक दिली जात असल्याचं सर्वोच्च न्यायालायने म्हटलं आहे.

News English Summary: Do not offend the soldiers during the war. The apex court asked the government to take a step further and resolve the doctors’ grievances and provide additional funds for the same. A doctor has filed a petition in this regard. It alleges that front line fighters in the battle against Corona are not paid.

News English Title: The Supreme Court of India has asked the government to resolve the doctors complaints News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.