काश्मिरात सुरक्षा दलांची मोठी कारवाई | हिजबुल मुजाहिदीनच्या कमांडरचा खात्मा

जम्मू-काश्मीर, १ नोव्हेंबर: जम्मू आणि काश्मीरमध्ये सुरक्षा दलाला मोठं यश मिळालं आहे. हिज्बुल मुजाहिद्दीनचा टॉप कमांडरचा (Hizbul Mujahideen Chief Commander) खात्मा करण्यात आला आहे. सैफुल्लाह असं दहशतवाद्याचं नाव आहे. श्रीनगरमध्ये भारतीय सैन्य, जम्मू काश्मीर पोलीस आणि सीआरपीएफने केलेल्या जॉईंट ऑपरेशनमध्ये दहशतवाद्याचा खात्मा करण्यात यश आले आहे. तर एका दहशतवाद्याला अटक करण्यात आली आहे.

काश्मिरचे पोलीस महानिरीक्षक विजय कुमार यांनी याविषयी बोलताना सांगितलं की, रंगरेथ भागात दहशतवादी असल्याची माहिती लष्कराला मिळाली होती. त्यानंतर लष्करानं मोहीम घेतली. यावेळी लष्करानं केलेल्या कारवाईत हिजबुल मुजाहिदीन या दहशतवादी संघटनेचा मुख्य कमांडर डॉ. सैफुल्ला मरण पावला. तर त्याच्या एका सहकाऱ्याला जिवंत पकडण्यात आलं आहे.

Hizbul Mujahideen chief Dr Saifullah killed in encounter on outskirts of Srinagar; huge success for security forces: police

— Press Trust of India (@PTI_News) November 1, 2020

जॉईंट ऑपरेशनमध्ये हिज्बुलचा टॉप कमांडर सैफुल्लाह उर्फ गाजी हैदरचा खात्मा करण्यात यश आलं आहे. जम्मू-काश्मीर आयजी विजय कुमार यांनी दिलेल्या माहितीनुसार, आम्ही ऑपरेशन दरम्यान सैफुल्लाह नावाच्या एका कमांडरचा खात्मा केला आहे. त्याची ओळख पटवण्यात येत आहे. मात्र तो 95 टक्के सैफुल्लाह असल्याची आमची खात्री आहे. तसेच एका दहशतवाद्यालाही अटक करण्यात आली आहे. एका इंग्रजी वेबसाईटने याबाबतचे वृत्त दिले आहे.

हिजबुलचा म्होरक्या सैफुल्ला मीर हा २०१४ मध्ये संघटनेत सहभागी झाला होता. तो पुलवामातील मलंगपोरा येथील आहे. सैफुल्लाला रियाज नायकू यानं संघटनेत घेतलं होतं. त्याचबरोबर गाझी हैदर असं नावही दिलं होतं. रियाज नायकू मे मध्ये झालेल्या चकमकीत ठार झाल्यानंतर हिजबुल मुजाहिदनचं नेतृत्व सैफुल्लाकडे आलं होतं.

News English Summary: Hizbul Mujahideen operations chief Dr Saifullah has been killed in an encounter in Jammu and Kashmir in Srinagar by security forces on Sunday. Inspector-General of Police Kashmir Vijay Kumar told media that Saifullah, the chief commander of terrorist organisation Hizbul Mujahideen has been killed while one militant associate has been apprehended alive in the encounter that took place in the Rangreth area.

News English Title: Hizbul operation chief Dr Saifullah killed in encounter in Srinagar News Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.