कोरोना विषाणू पूर्णपणे नष्ट होईल असे सध्या तरी दिसत नाही: डॉ. डेव्हिड नबारो

नवी दिल्ली, ३ एप्रिल: जगभरातील देशांनी जारी केलेल्या आकडेवारी आणि वर्ल्ड हेल्थ ऑर्गनायजेशनच्याआकड्यांच्या आधारावर worldometers.info नं दिलेल्या माहितीनुसार, करोना व्हायरसनं आतापर्यंत ५३ हजार दोनशे ३८ जणांचा बळी घेतला आहे. तर दहा लाख १६ हजार ४१३ जणांना या रोगाचा संसर्ग झाला आहे. तर आतापर्यंत जगभरात दोन लाख १३ हजार ३५ जण कोरानामुक्त झाले आहेत.

अमेरिकेत २ लाखांहून अधिक लोकांना कोरोनाची लागण झाली आहे. तर ५ हजारांपेक्षा जास्त लोकांचा मृत्यू झाला आहे. जर ३० एप्रिलपर्यंत सोशल डिस्टेंसिंगचं कठोर पालन न केल्यास अमेरिकेत कोरोना व्हायरसचा हाहाकार माजेल, इतकचं नाही तर २ लाखांहून अधिक लोकांचा मृत्यू होईल अशी भीती खुद्द अमेरिकेचे राष्ट्राध्यक्ष डोनाल्ड ट्रम्प यांनी व्यक्त केली आहे. जगात इटलीमध्ये सर्वाधिक मृत्यू झाल्याचं दिसून येतं. इटलीत कोरोनामुळे १३ हजारांहून जास्त लोकांचा जीव गेला आहे.

दरम्यान, कोरोना विषाणू येत्या काळात पूर्णपणे नष्ट होईल असे सध्या तरी दिसत नाही. तसे कोणतेही पुरावे नाहीत. लोकांना हा विषाणू आहे हे गृहीत धरूनच आपले काम करावे लागणार आहे. त्यामुळे येत्या काळातही कोरोना विषाणूची लागण झालेल्या रुग्णांचा शोध घेणे, त्यांना विलग करणे, त्यांच्या संपर्कात आलेल्या लोकांचा शोध घेणे, त्यांची चाचणी करणे, त्यांना अलगीकरणात पाठवणे हीच साखळी कायम ठेवावी लागेल, असे स्पष्ट मत जागतिक आरोग्य संघटनेचे कोविड १९ प्रतिबंधक विशेष दूत डॉ. डेव्हिड नबारो यांनी म्हटले आहे.

News English Summary: Dr. David Nabarro said if the Corona virus infection was not prevented early, the situation could go away. It is possible to prevent the infection even when the infection is low. Currently, it cannot be said that the corona virus will be destroyed. Therefore, even in the coming days, the chain of detection of cornea infected patients, isolating them, finding people who have been in contact with them, testing them, sending them into isolation, will have to be maintained, ”he said.

News English Title: Story there is no evidence to suggest that the corona virus disease will disappear says Dr David Nabarro world corona Crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.