बायडेन यांचा विजय नक्की मानला जात आहे | पण ट्रम्प यांच्या मनात काय शिजतंय?

वॉशिंग्टन, ७ नोव्हेंबर: अमेरिकेत राष्ट्राध्यक्ष पदी विराजमान होण्यासाठी किमान २७० इलेक्टोरल कॉलेज व्होट आवश्यक असतात. बायडेन (Joe Biden) यांनी एकूण २६४ इलेक्टोरल कॉलेज व्होट मिळवले आहेत. दुसरीकडे ट्रम्प यांना आतापर्यंत २१४ इलेक्टोरल कॉलेज व्होट मिळाले आहेत.

डोनाल्ड ट्रम्प यांचे प्रतिस्पर्धी असलेले बायडेन २००९ ते २०१७ या कार्यकाळात अमेरिकेचे उपाध्यक्ष होते. या कार्यकाळात बराक ओबामा अमेरिकेचे राष्ट्राध्यक्ष होते. ओबामांच्या नंतर डोनाल्ड ट्रम्प अमेरिकेचे अध्यक्षपदी (US President Donald Trump) विराजमान झाले. सध्याच्या निवडणुकीत पराभव झाल्यास अमेरिकेच्या व्यवस्थेनुसार २० जानेवारी २०२१ रोजी ट्रम्प पदमुक्त होतील आणि बायडेन अध्यक्षपदाची शपथ घेतील. मात्र ट्रम्प आणि त्यांच्या समर्थकांच्या मनात नेमका कोणता कट शिजतोय अशी राजकीय चर्चा सुरु झाली आहे.

कारण फिलाडेल्फिया येथे मतमोजणी केंद्राजवळ दोन बंदुकधाऱ्यांना अटक करण्यात आली. त्यांच्याकडून पोलिसांनी बंदुका जप्त केल्या आहेत. पोलीस या प्रकरणात अधिक तपास करत असल्याचं वृत्त आहे. दरम्यान पेनसिल्वेनिया, जॉर्जिया, नॉर्थ कॅरोलिना, अॅरिझोना येथील मतमोजणी अजून सुरू आहे. तर या मतमोजणीत अनेक ठिकाणी बायडेन हेच आघाडीवर आहेत. याच कारणामुळे निकाल जाहीर होण्यास वेळ लागला तरी बायडेन यांचा विजय होण्याची शक्यता अधिक दिसत आहे.

एकाबाजूला बायडेन यांच्या विजयाचे चित्र असल्यामुळे डेमोक्रॅटिक पक्षात (Democratic Party) आनंदाचे वातावरण आहे. तर ट्रम्प यांच्या पराभवाची शक्यता दिसू लागल्यामुळे रिपब्लिकन पार्टीचा (Republican Party) मतमोजणीतील उत्साह मावळत असल्याचे चित्र आहे तर अनेक ठिकाणी रिपब्लिकन पार्टीचे गडबड गोंधळ घालत आहेत.

विशेष म्हणजे एकूण कल पाहता अमेरिकेतील राष्ट्राध्यक्ष निवडणुकीत डेमोक्रॅटिक पक्षाचे जो बायडेन यांचा विजय नक्की मानला जात आहे. दुसरीकडे रिपब्लिकन पक्षाचे उमेदवार डोनाल्ड ट्रम्प परभवाच्या छायेत असतानाही तो मान्य करण्यास तयार नाहीत. डोनाल्ड ट्रम्प वारंवार मतमोजणीत घोटाळा झाल्याचा आरोप करत असून कोर्टातही धाव घेतली आहे. डोनाल्ड ट्रम्प यांनी ट्विट करत जो बायडेन यांना चुकीच्या पद्धतीने राष्ट्राध्यक्ष पदावर दावा करु नये अशा इशारा दिला आहे. दरम्यान जो बायडेन यांच्या प्रचार टीमने ट्रम्प यांनी पराभव स्वीकारण्यास नकार दिला तर व्हाइट हाऊसमधून एस्कॉर्ट केलं जाईल असं सांगितलं आहे. एएफपीने यासंबंधी वृत्त दिलं आहे.

News English Summary: At least 270 electoral college votes are required to run for president in the United States. Joe Biden received a total of 264 electoral college votes. Trump, on the other hand, has received 214 electoral college votes so far. Biden, a rival of Donald Trump, was vice president of the United States from 2009 to 2017. During this time, Barack Obama was the President of the United States. After Obama, Donald Trump became the President of the United States. In the event of a defeat in the current election, Trump will step down on January 20, 2021, and Biden will be sworn in as president. But the political debate has begun in the minds of Trump and his supporters.

News English Title: US Presidential election 2020 Joe Biden Vs Donald Trump tough fight News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.