आगामी विधानसभा निवडणुकीत शिवसेनेचे कोकणातील ११ आमदार घरी बसवणार | राणेंची गर्जना

मुंबई, ३ ऑक्टोबर : राज्यातील आगामी विधानसभा निवडणुकीत शिवसेनेच्या कोकणातील सर्व आमदारांना पराभूत करणार. सर्वांना घरी बसवण्यात येणार असून कोकणातून शिवसेना पूर्णपणे हद्दपार करणार अशी राजकीय गर्जना भारतीय जनता पक्षाचे राज्यसभेचे खासदार आणि माजी मुख्यमंत्री नारायण राणे यांनी केली आहे.

खासदार नारायण राणे यांनी आज पत्रकार परिषद आयोजित करून शिवसेनेवर हल्लाबोल केला. कोकणातील शिवसेनेच्या सर्व ११ आमदारांना पुढच्या विधानसभा निवडणुकीत घरी बसवण्यात येतील. कोकणातून संपूर्ण शिवसेनेला हद्दपार केलं जाईल असं वक्तव्य त्यांनी केलं. त्यामुळे आता ५६ आमदार घेऊन फिरणाऱ्या शिवसेनेची संख्या आगामी विधानसभा निवडणुकीत कमी होईल, असा थेट दावा देखील माजी मुख्यमंत्री नारायण राणे यांनी केला.

मुख्य म्हणजे शिवसेनेचे १४५ आमदार निवडून आलेले नाहीत आणि त्यामुळे उद्धव ठाकरे मुख्यमंत्री झाले नाहीत हे लक्षात घ्यावं. त्यामुळे तुमचे आमदार किती असं त्यांना लोक विचारतील.त्या चिंतेमुळेच ते घरातील पिंजऱ्यातून अजिबात बाहेर पडत नाहीत, असा प्रहार राणेंनी पत्रकार परिषदेत केला.

शिवसेनेचे कोकणातील हे ११ आमदार विधानसभेत कधी कोकणातील विकासा संदर्भात काही प्रश्न उपस्थित करतात किंवा बोलतात का? कोकणासाठी अधिकृतपणे जाहीर केलेला फंड देखील महाविकास आघाडी सरकार देत नाहीत. त्यामुळे यांचे आमदार काहीही करू शकत नाही. त्यात पालकमंत्री तर पूर्णपणे निष्क्रीय आहेत असा प्रहार राणेंनी केला. कोकणातील विकासाला काही करून चालना मिळणं आवश्यक आहे. त्यासाठी भारतीय जनता पक्ष आंदोलन करेल, असा इशारा देखील त्यांनी दिला.

News English Summary: We will defeat all the Shivsena MLAs in Konkan during forthcoming assembly elections in the state. BJP’s Rajya Sabha MP and former Chief Minister Narayan Rane has made a political roar that everyone will be housed and Shiv Sena will be completely expelled from Konkan. MP Narayan Rane held a press conference today and attacked Shiv Sena. All 11 Shiv Sena MLAs from Konkan will be housed in the next assembly elections. He said that the entire Shiv Sena would be expelled from Konkan.

News English Title: BJP MP Narayan Rane criticized Shivsena MLAs over Konkan issue News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.