आयुषभर एका कुटुंबाने वाटेल त्याची वाट लावली, बदनामी केली | नियती कोणाला सोडत नाही

मुंबई, १९ ऑगस्ट : अभिनेता सुशांत सिंह राजपूत मृत्यू प्रकरणात सुप्रीम कोर्टाने आज महत्त्वपूर्ण निकाल दिला आहे. या मृत्यू प्रकरणाचा तपास सीबीआय करणार असल्याचा निकाल सुप्रीम कोर्टाने दिला आहे. सुप्रीम कोर्टाने सर्व पुरावे सीबीआयकडे सोपवण्याचा आदेश मुंबई पोलिसांना दिला आहे. पाटणामध्ये दाखल करण्यात आलेल्या गुन्ह्याचा तपास मुंबई पोलिसांकडे वर्ग करा, अशी मागणी एका याचिकेच्या माध्यमातून अभिनेत्री रिया चक्रवर्तीने केली होती. त्यावर आज सुप्रीम कोर्टाने निकाल दिला.

सुप्रीम कोर्टाने महाराष्ट्र पोलिसांना खटल्याच्या फाइल्स सीबीआयकडे सोपवण्याचे आणि आवश्यक ती मदत करण्याचे निर्देश दिले आहेत. “सीबीआय चौकशीचे आदेश कोर्टाने दिले आहेत. महाराष्ट्र पोलिसांनी त्याचे पालन केले पाहिजे आणि मदत केली पाहिजे” असे खंडपीठाने म्हटले. अभिनेता सुशांतसिंग राजपूत याच्या मृत्यूसंदर्भात भविष्यात नोंदवण्यात येणाऱ्या इतर कोणत्याही प्रकरणांचीही चौकशी करण्याचे निर्देशही कोर्टाने सीबीआयला दिले आहेत.

दरम्यान, या निकालानंतर माजी खासदार आणि भाजपचे निलेश राणे यांनी उद्धव ठाकरे कुटुंबियांवर जळजळीत टीका केली आहे. यावर ट्विट करताना त्यांनी म्हटलं आहे की, “आयुषभर एका कुटुंबाने वाटेल त्याची वाट लावली, बदनामी केली, शिव्या घातल्या, हजारो कुटुंब उध्वस्त केली पण नियती कोणाला सोडत नाही.. ह्याच जन्मात ह्या कुटुंबाला हिशेब द्यावे लागणार. मनाला वाट्टेल तसे हे कारटे वागले पण आता लोकांकडून फटके खायची वेळ आली.”

आयुषभर एका कुटुंबाने वाटेल त्याची वाट लावली, बदनामी केली, शिव्या घातल्या, हजारो कुटुंब उध्वस्त केली पण नियती कोणाला सोडत नाही.. ह्याच जन्मात ह्या कुटुंबाला हिशेब द्यावे लागणार. मनाला वाट्टेल तसे हे कारटे वागले पण आता लोकांकडून फटके खायची वेळ आली.

— Nilesh N Rane (@meNeeleshNRane) August 19, 2020

News English Summary: Former MP and BJP’s Nilesh Rane has indirectly slammed Uddhav Thackeray’s family. Tweeting on this, he has said that for the rest of his life, one family waited for him, slandered him, cursed him, destroyed thousands of families, but destiny does not leave anyone behind.

News English Title: Former MP Nilesh Rane slams Thackeray Government after Supreme court decision on Sushant Singh Rajput News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.