उद्धव ठाकरे मुख्यमंत्री नसते, राठोडांना फाडून खाल्लं असतं - चित्रा वाघ

मुंबई, २७ फेब्रुवारी: साहेब हे सगळे एकजात सारखेच आहेत. आम्हाला फक्त तुमच्याकडून अपेक्षा आहे. तुमच्यावर कुणाचा दबाव तर नाही ना?, असं प्रश्न करत आम्ही तुम्हाला ओळखतो. तुमची वेगळी छबी आहे. तुमचं व्यक्तीमत्व सगळ्यांच्यापेक्षा वेगळं आहे. तुम्ही कारवाई कराल. या बलात्काऱ्याला हाकलून लावाल. याच्यावर मनुष्यवधाचा गुन्हा दाखल कराल. आता आम्हाला तुमच्याकडून अपेक्षा आहे”, अशी मागणी भाजप नेत्या चित्रा वाघ यांनी मुख्यमंत्र्यांकडे केली.

संजय राठोड बलात्कारी असून, एका बलात्काऱ्याला वाचवण्याचे प्रयत्न सुरू आहेत. व्याभिचाराचं उदात्तीकरण सुरू आहे. पण, मला मुख्यमंत्री उद्धव ठाकरे यांच्याकडून अपेक्षा आहेत. उद्धव ठाकरे मुख्यमंत्रीपदावर नसते. शिवसेनेचे पक्षप्रमुख असते, तर त्यांनी राठोडांना फाडून खाल्लं असतं,” असं म्हणत वाघ यांनी राठोड यांच्याविरुद्ध गुन्हा दाखल करण्याची मागणी केली.

पूजा चव्हाणच्या घरात एक मोबाईल सापडला. तो लॉक होता. पण नोटिफिकेशन पॉप होत होते. त्यात संजय राठोड नावाच्या व्यक्तीचे तब्बल ४५ कॉल होते. हा संजय राठोड नेमका कोण, याचं उत्तर पुणे पोलीस देणार का, असा प्रश्न वाघ यांनी उपस्थित केला. हा प्रश्न एकट्या पूजा चव्हाण, संजय राठोडचा नाही. महिलांवर होणाऱ्या अत्याचारांचा आहे. स्वत: शेण खायचं आणि समाजाला वेठीला धरायचं असा प्रकार सुरू आहे. दहा लाख लोक जमवले, तरीही निर्दोषत्व सिद्ध होत नाही, असं वाघ म्हणाल्या.

News English Summary: Sir, they are all the same. We just expect from you. We know you by asking who is pressuring you or not? You have a different image. Your personality is different from everyone else’s. You will take action. Get rid of this rapist. You will be charged with manslaughter. Now we have expectations from you ”, demanded BJP leader Chitra Wagh to the Chief Minister Uddhav Thackeray.

News English Title: BJP leader Chitra Wagh request CM Uddhav Thackeray on Pooja Chavan Case news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.