उद्धव ठाकरेंनी राज ठाकरेंबाबतही कोत्या मनाचे राजकारण केले - नारायण राणे

मुंबई, ०२ एप्रिल: राज्याचे मुख्यमंत्री उद्धव ठाकरे यांच्या उपस्थितीत बुधवारी स्वर्गीय बाळासाहेब ठाकरे यांच्या स्मारकाच्या भूमिपूजनाचा कार्यक्रम पार पडला. या सोहळ्याला मुख्यमंत्री उद्धव ठाकरे यांच्यासहित उपमुख्यमंत्री अजित पवार आणि काँग्रेसचे माजी प्रदेशाध्यक्ष आणि राज्य सरकारमधील महसूल मंत्री बाळासाहेब थोरात उपस्थित होते.

मात्र या कार्यक्रमाला विरोधी पक्षनेते देवेंद्र फडणवीस यांच्यासह मुख्यमंत्री उद्धव ठाकरे यांचे बंधु राज ठाकरे यांना निमंत्रण देण्यात आलेले नव्हते. या मुद्द्यावरुन उलटसुलट चर्चाही रंगल्या होत्या. अनेकांनी मुख्यमंत्र्यावर टीकाही केली. आता भाजपचे खासदार नारायण राणे यांनीही मुख्यमंत्री उद्धव ठाकरेंना लक्ष्य केले.

बाळासाहेबांच्या स्मारकासाठी तत्कालीन मुख्यमंत्री देवेंद्र फडणीस यांनी मोठ्या मनाने कुठलीही अडचण येऊ दिली नाही. सर्व प्रकारच्या परवानग्या तात्काळ देण्यात आल्या. मात्र आता भूमिपूजनावेळी त्यांना बोलावण्यात आले नाही. जितका सन्मान मुख्यमंत्र्याचा असतो तेवढाच सन्मान विरोधी पक्षनेत्याचाही ठेवावा लागतो, हे उद्धव ठाकरे विसरले असतील. देवेंद्र फडणवीस विरोधी पक्षातील नेते असल्याने सूडबुद्धीने त्यांना बोलावण्यात आले नसेल हे आम्ही समजू शकतो. मात्र ठाकरे घराण्यातील सदस्य असलेले राज ठाकरेंनाही बोलवले नाही. त्यांच्या घरासमोर कार्यक्रम असताना त्यांना निमंत्रण न देणे म्हणजे कोत्या मनाचे राजकरण होय, असा टोलाही त्यांनी लगावला.

News English Summary: A ground-breaking ceremony of the late Balasaheb Thackeray’s memorial was held on Wednesday in the presence of Chief Minister Uddhav Thackeray. The function was attended by Chief Minister Uddhav Thackeray, Deputy Chief Minister Ajit Pawar and former Congress state president and revenue minister in the state government Balasaheb Thorat. Opposition leader Devendra Fadnavis and Chief Minister Uddhav Thackeray’s brother Raj Thackeray were not invited to the event. There was a lot of discussion on this issue. Many also criticized the Chief Minister. Now BJP MP Narayan Rane has also targeted Chief Minister Uddhav Thackeray.

News English Title: BJP MP Narayan Rane criticized CM Uddhav Thackeray over late Balasaheb Thackeray’s memorial ceremony news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.