सुशांतसिंग प्रकरणात भाजपच्या मोठ्या नेत्याचं नाव आल्याने केंद्राने CBI अहवाल दाबून ठेवला

मुंबई, १८ फेब्रुवारी: आतापर्यंत मॅच फिक्सिंगचा काळ खूप चालला. मात्र, आता सर्वसामान्यांना न्याय मिळेल. पंतप्रधान नरेंद्र मोदींचा चार्ज काढण्यासाठी मी प्रदेशाध्यक्षपदाचा चार्ज घेतला आहे,” असा टोला काँग्रेसचे नवनिर्वाचित प्रदेशाध्यक्ष नाना पटोले यांनी भारतीय जनता पक्षाला लगावला. ते नागपुरात एका सभेत बोलत होते. यावेळी त्यांनी भाजपवर चौफेर टीका केली आहे.

यावेळी पुढे बोलताना त्यांनी भारतीय जनता पक्षाच्या वेगवेगळ्या धोरणांवर सडकून टीका केली. भारतीय जनता पक्षाने सुशांतसिंग प्रकरणात राज्य सरकारला तीन महिने बदनाम केलं. यात भारतीय जनता पक्षाचा एक मोठा नेता अडकला आहे,” असा आरोप नाना पटोले यांनी केला. तसेच, भारतीय जनता पक्षाचा नेता अडकल्यामुळेच सीबीआयने अहवाल दाबून ठेवला आहे, असा दावा देखील त्यांनी केला.

“या देशाला काँग्रेसच्या विचाराने स्वातंत्र्य मिळाले. आतापर्यंत मॅच फिक्सिंगचा कार्यकाळ खूप चालला. मात्र, यानंतर सर्वसामान्यांना न्याय मिळेल. देशाचे पंतप्रधान नरेंद्र मोदी यांचा चार्ज काढण्यासाठीच मी प्रदेशाध्यक्षपदाचा चार्ज घेतला आहे,” असे नाना पटोले म्हणाले आहेत.

पुढे बोलताना त्यांनी केंद्रीय रस्ते वाहतूक मंत्री नितीन गडकरी यांच्यावर टीकेचे आसूड ओढले. “नितीन गडकरी साहेबांनी एक बंदर स्वस्तात विकलं. सध्या देशात फास्टटॅग सुरु करण्यात आलं आहे. या प्रक्रियेतही मोठा भ्रष्टाचार आहे,” असा आरोप नाना पटोले यांनी केला. तसेच, आगामी दोन तीन दिवसांत यावर बोलणार असल्याचेही त्यांनी सांगितले.

News English Summary: He criticized the various policies of the Bharatiya Janata Party. The Bharatiya Janata Party defamed the state government for three months in the Sushant Singh case. A big leader of Bharatiya Janata Party is involved in this, ”Patole alleged. He also claimed that the CBI had suppressed the report because the BJP leader was trapped.

News English Title: Congress state president Nana Patole criticised BJP over Sushant Singh Rajput CBI enquiry news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.