आज राज्यात ५३६८ नव्या कोरोना रुग्णांची वाढ; २०४ रुग्णांचा मृत्यू

मुंबई, ६ जुलै : राज्यात आज कोरोनाबाधितांच्या आकड्यात ५ हजार ३६८ नव्या रुग्णांची नोंद झाली आहे. गेल्या काही दिवसांपासून विक्रमी आकडे समोर येत असताना आज आलेली आकडेवारी जरा दिलासा देणारी ठरली आहे. तसेच, आज २०४ रुग्णांच्या मृत्यूची नोंद झाली आहे. तर एकूण बाधितांचा आकडा २ लाख ११ हजार ९८७ झाला आहे.

राज्यात आज 5368 कोरोना बाधीत रुग्णांची वाढ झाली व एकूण संख्या आता 211987 अशी झाली आहे. आज नवीन 3522 कोरोना बाधित रुग्ण बरे झाले आहेत. एकूण 115262 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 87681 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 6, 2020

आज ३ हजार ५२२ रुग्ण बरे होऊन घरी परतले आहेत. त्यामुळे राज्यात आतापर्यंत १ लाख १५ हजार २६२ रुग्ण घरी परतले आहेत. त्यामुळे राज्यातीील रुग्ण बरे होण्याचे प्रमाण ५४.३७ टक्के झाले आहे. तर राज्यातील मृत्यूदर ४.२६ टक्के आहे. तर, राज्यात सध्या ८७ हजार ६८१ रुग्णांवर उपचार सुरू आहेत.

रविवारी राज्यामध्ये 6555 नवे रुग्ण सापडले होते. तर 151 जणांचा मृत्यू झाला होता. आज मृत्यूचा आकडा वाढला आहे. तर मृत्यूचा आकडा 8822 झाला होता. शनिवारी 7074 नवे रुग्ण सापडले होते. यामुळे महाराष्ट्राने कोरोनाबाधितांचा २ लाखांचा आकडा ओलांडला होता. याच दिवशी 295 जणांचा मृत्यू झाला होता. या तीन दिवसांच्या तुलनेत आज नवीन कोरोनाग्रस्तांच्या संख्येत मोठी घट पहायला मिळाली आहे. मात्र, मृत्यूंचा आकडा चिंतेचे वातावरण निर्माण करणारा आहे.

News English Summary: Today, 204 patients have died. The total number of victims is 2 lakh 11 thousand 987. Today, 3,522 patients have recovered and returned home.

News English Title: Maharashtra Recorded 5368 New Covid 19 Cases And 204 Deaths In The Last 24 Hours News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.