...त्यामुळे फडणवीसांच्या ज्ञानात भर पडेल', शरद पवारांचा टोला

रत्नागिरी, १० जून: राष्ट्रवादी काँग्रेसचे अध्यक्ष शरद पवार हे सध्या कोकणाच्या दौऱ्यावर आहेत. निसर्ग चक्रीवादळामुळे कोकणात मोठ्या प्रमाणावर नुकसान झालं आहे. या नुकसानीची पाहणी करण्यासाठी शरद पवार कोकणात आले आहेत. दुसरीकडे विरोधी पक्षनेते देवेंद्र फडणवीसदेखील कोकणाच्या दौऱ्यावर जाणार आहेत. फडणवीसांच्या या प्रस्तावित कोकण दौऱ्यावर पवारांनी निशाणा साधला.

निसर्ग वादळामुळे झालेल्या नुकसानीची पाहणी करण्यासाठी शरद पवार दोन दिवस कोकण दौऱ्यावर होते. पहिल्या दिवशी रायगड जिल्ह्यातील नुकसानग्रस्त भागाची पाहणी केल्यानंतर त्यांनी आज (१० जून) रत्नागिरीला भेट दिली. जिल्ह्यातील चक्रीवादळामुळे नुकसान झालेल्या भागाची पाहणी करून नागरिकांशी संवाद साधला. दौऱ्यानंतर पवारांनी पत्रकारांशी संवाद साधला. यावेळी फडणवीस यांच्या नियोजित दौऱ्याविषयी बोलताना पवार म्हणाले,”मी बारामतीसारख्या दुष्काळी भागातून येतो. देवेंद्र फडणवीस विदर्भातून येतात. समुद्राशी काहीही संबंध नाही. त्यामुळे ते येत आहेत तर चांगलं आहे. प्रत्येकाला ही परिस्थिती समजेल, ज्ञानात भर पडेल,” असं पवार म्हणाले.

निसर्ग चक्रीवादळामुळे कोकणात घरांचं मोठं नुकसान झालं आहे. घरांसह, आंबा, नारळ, सुपारीच्या बागांचं, शेतीचं अतिशय नुकसान झालं आहे. त्यामुळे निसर्ग चक्रीवादळात नुकसान झालेल्या सर्व घटकांना आर्थिक सहाय्य करा, अशी मागणी पवारांनी केली आहे.

News English Summary: I come from a drought stricken area like Baramati. Devendra Fadnavis comes from Vidarbha. It has nothing to do with the sea. So it’s good if they’re coming. Everyone will understand this situation, knowledge will increase, ”said Pawar.

News English Title: NCP President Sharad Pawar reaction on Fadnavis Kokan tour News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.