मोठा दिलासा | महाराष्ट्रात रिकव्हरी रेट वाढून ९३.२४ टक्क्यांवर | रुग्णसंख्या पुन्हा घटली

मुंबई, २८ मे | राज्यात सध्या फक्त २ लाख ८९ हजार ०८८ अॅक्टिव्ह रुग्ण सध्या राज्यात करोनाचे उपचार घेत आहेत. तर ५३ लाख ०७ हजार ८७४ रुग्ण बरे होऊन घरी परतले आहेत. शुक्रवारी दिवसभरात ३१ हजार ६७१ रुग्ण बरे झाले असून राज्याचा रिकव्हरी रेट कालपेक्षा किंचित वाढून ९३.२४ टक्के इतका झाला आहे.

दरम्यान, राज्यातील मृतांचा आकडा गेल्या काही दिवसांपासून ५०० च्या खाली उतरला आहे. आज दिवसभरात राज्यात ४२४ रुग्णांचा करोनामुळे मृत्यू झाला आहे. त्यामुळे राज्यातला मृत्यूदर १.६४ टक्के इतका झाला आहे. दरम्यान, मृतांचा आकडा नियंत्रणात कसा आणता येईल आणि मृत्यू टाळण्यासाठी कोणत्या उपाययोजना करता येतील, हे प्रशासनासमोरचं मोठं आव्हान आहे. आजच्या आकड्यांची भर पडल्यानंतर राज्यात आत्तापर्यंत करोनामुळे होणाऱ्या मृतांचा आकडा ९३ हजार १९८ इतका झाला आहे.

Mumbai reports 929 new #COVID19 cases, 1239 recoveries and 30 deaths in the last 24 hours.

Total cases 7,03,461
Total recoveries 6,58,540
Death toll 14,808

Active cases 27,958 pic.twitter.com/ywyKmbGT2i

— ANI (@ANI) May 28, 2021

दरम्यान, राज्याची राजधानी मुंबईमध्ये 45+ वयाच्या 39 लाख 02 हजार 233 लोकांमधून 12.42% लोकांना कोरोना व्हॅक्सीनचे दोन डोस देण्यात आले आहेत. महाराष्ट्र आरोग्य विभागानुसार 27 मेपर्यंत मुंबईमध्ये 45+ च्या 4 लाख 84 हजार 831 लोकांनी दोन्ही डोस घेतले आहेत. या व्यतिरिक्त 1 लाख 27 हजार 829 आरोग्य कर्मचारी आणि 1 लाख 40 हजार 505 फ्रंट लाइन वर्कर्सचेही दोन्ही डोसचे लसीकरण पूर्ण झाले आहे.

मुंबईची साधारण वार्षिक लोकसंख्या (2021) 1 कोटी 30 लाख 7 हजार 446 इतकी आहे. यापैकी आतापर्यंत केवळ 5.79% म्हणजेच 7 लाख 53 हजार 165 लोकांना कोरोनाचे दोन्ही डोस देण्यात आले आहेत. पहिल्या आणि दुसर्‍या डोससह, मुंबईत एकूण 31 लाख 55 हजार 320 जणांचे लसीकरण करण्यात आले आहे. अशा प्रकारे संपूर्ण महाराष्ट्रात 45+ वयाच्या 29 लाख 54 हजार 824 लोक म्हणजेच जवळपास 8% लोकांचे दोन्हीही लसीकरण झाले आहे. तर 45+ च्या 34.36% म्हणजेच 1 कोटी 32 लाख 76 हजार 978 लोकांना पहिला डोस देण्यात आला आहे.

News English Summary: At present only 2 lakh 89 thousand 088 active patients are undergoing corona treatment in the state. 53 lakh 07 thousand 874 patients have recovered and returned home. During the day on Friday, 31,671 patients were cured and the state’s recovery rate rose slightly to 93.24 per cent.

News English Title: On Friday 31671 patients were cured and the state’s recovery rate rose slightly to 93 24 percent in Maharashtra news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.