राज्यभरातील १,५७० ग्रामपंचायतींसाठी २९ मार्चला मतदान

मुंबई: राज्यभरातील १९ जिल्ह्यांमधील १ हजार ५७० ग्रामपंचायतींच्या थेट सरपंच व सदस्यपदांच्या सार्वत्रिक निवडणुकीसाठी २९ मार्च रोजी सकाळी ७.३० ते सायंकाळी ५.३० वाजेपर्यंत मतदान होणार आहे. मतमोजणी ३० मार्च रोजी होणार आहे. या पार्श्वभूमीवर निवडणूक ठिकाणी आजपासून आचारसंहिता लागू झाली आहे. गडचिरोली जिल्ह्यासाठी मतदानाची वेळ सकाळी ७.३० ते दुपारी ३ वाजेपर्यंत असणार आहे.

त्यासाठी उमेदवारी अर्ज ६ ते १३ मार्च या कालावधीत स्वीकारले जातील. शासकीय सुट्टीच्या दिवशी उमेदवारी अर्ज स्वीकारले जाणार नाहीत. त्यांची छाननी १६ मार्च रोजी होईल. १८ मार्च रोजीपर्यंत उमेदवारी अर्ज मागे घेता येतील. त्याच दिवशी निवडणूक चिन्ह वाटप होईल. मतदान २९ मार्च रोजी सकाळी साडेसात ते संध्याकाळी साडेपाच दरम्यान होईल. मात्र गडचिरोली जिल्ह्यासाठी मतदानाची वेळ सकाळी साडेसात ते दुपारी तीन वाजेपर्यंत असेल. मतमोजणी ३० मार्च रोजी होईल.

सार्वत्रिक निवडणूक होणाऱ्या ग्रामपंचायतींची जिल्हानिहाय संख्या:
ठाणे- १३, रायगड-१, रत्नागिरी- ८, नाशिक- १०२, जळगाव- २, अहमनगर- २, नंदुरबार- ३८, पुणे- ६, सातारा- २, कोल्हापूर- ४, औरंगाबाद- ७, नांदेड- १००, अमरावती- ५२६, अकोला- १, यवतमाळ- ४६१, बुलडाणा- १, नागपूर- १, वर्धा- ३ आणि गडचिरोली- २९६. एकूण- १५७०.

News English Summery: Election program has been announced for more than 1570 gram Panchayats in the state. The code of conduct has been in place everywhere since today. These elections are being held from April to June 2020 for expiring and newly established gram Panchayats.

Web Title: Story Maharashtra Gram Panchayat election 2020 voting on 29th March in 19 District.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.