पवार भेटीबद्दल चित्रा वाघ यांनी अर्धसत्य मांडलं | हे आहे पूर्ण सत्य जे स्वतः पवारांनी सांगितलेलं

मुंबई, २७ फेब्रुवारी: पूजा चव्हाण प्रकरणामध्ये वनमंत्री संजय राठोड यांच्या अटकेसाठी आक्रमक झालेल्या चित्रा वाघ यांचे पती किशोर वाघ यांच्याविरुद्ध लाचलूचपत प्रतिबंधक विभागाने 12 फेब्रुवारी रोजी गुन्हा दाखल केला आहे. यानंतर आता चित्रा वाघ यांनी पत्रकार परिषद घेत भाष्य केले आहे. यासोबतच आज पवार साहेबांची खूप आठवण येत असल्याचेही त्या म्हणाल्या.

चित्रा वाघ प्रसार माध्यमांशी बोलताना म्हणाल्या की, ‘5 जुलै 2016 रोजी माझ्या पतीवर आरोप झाले. त्यानंतर 7 जुलैला ईदच्या दिवशी मी शरद पवार यांना भेटायला गेले. त्यावेळी शरद पवार यांनी माझ्याकडे एफआयआरची प्रत मागितली. ही प्रत नीट वाचल्यानंतर तुझा नवरा या सगळ्यात कुठेच नाही, असे शरद पवार यांनी मला सांगितले. त्यामुळेच आज सकाळपासून मला शरद पवार साहेबांची खूप आठवण येत आहे, असे चित्रा वाघ यांनी सांगितले.

मात्र चित्र वाघ जुनी आठवण सांगताना भावनेच्या भरात चित्र वाघ जे बोलून गेल्या त्यातून त्यांचे पती किशोर वाघ यांना अडकविण्याचं तत्कालीन फडणवीस सरकारचा हात होता का अशी चर्चा समाज माध्यमांवर रंगली आहे. कारण चित्र वाघ सांगतात त्याप्रमाणे पवारांनी प्रतिक्रिया दिली होती, त्याप्रमाणे अर्थ तसाच काढता येऊ शकतो. दुसरी महत्वाची गोष्ट म्हणजे चित्र वाघ यांनी पत्रकार परिषदेत अर्धसत्य समोर ठेवलं. जे स्वतः पवारांनी त्यांच्या पक्ष त्यागानंतर प्रसार माध्यमांसमोर सांगितलं होतं.

त्यावेळी पवार यासंदर्भात म्हणाले होते, ‘चित्रा वाघ माझ्याकडे आल्या होत्या. त्यांचे पती किशोर वाघ यांची चौकशी सुरू आहे. त्यामुळे त्या घाबरलेल्या होत्या. आमच्या बचावासाठी मी पक्ष सोडून जात आहे, असं सांगितल्याचं शरद पवार यांनी म्हटलं. राष्ट्रवादी काँग्रेसच्या अडचणीत सापडलेल्या नेत्यांच्या सहकारी संस्थांना मदत करण्याच्या नावाखाली भाजपमध्ये येण्यासाठी किंवा निवडणूक लढवण्यासाठी भाजप दबाव टाकत आहेत, असा आरोप शरद पवारांनी केला होता.

२०१४ च्या लोकसभा निवडणुकीनंतर चित्रा वाघ चांगल्याच प्रकाशझोतात आल्या होत्या. राष्ट्रवादीने त्यांच्यावर महिला प्रदेशाध्यक्षपदाची मोठी जबाबदारी सुद्धा टाकली होती. मात्र पतीवर ट्रॅप होताच त्या शांत झालेल्या पहायला मिळाले. आपले पती या प्रकरणातून सहीसलामत सुटावेत हे चित्रा वाघ यांचे प्रयत्न आहेत आणि त्यासाठी त्यांना भाजपची मदत लागेल. त्यामुळेच चित्रा वाघ यांनी भाजपमध्ये प्रवेश करण्याचा निर्णय घेतला होता, असं बोललं जातं होतं. त्यामुळे आज पती निर्दोष असल्याचा कांगावा करणाऱ्या चित्र वाघ इतक्या ठाम होत्या तर त्यांना त्यासाठी भाजप प्रवेश करण्याची काहीच गरज नव्हती. तसेच त्यामुळे नक्कीच त्यांच्या पतीची बाजू देखील चुकीची असणार यात शंका नाही जे चौकशीअंती समोर येईल.

News English Summary: At that time, Pawar had said in this regard, ‘Chitra Wagh had come to me. Her husband Kishor Wagh is under investigation. So she was scared. Sharad Pawar said that he was leaving the party to defend us. Sharad Pawar had alleged that the BJP was pressuring him to join the BJP or contest the elections in the name of helping the co-operatives of the troubled leaders of the NCP.

News English Title: What Sharad Pawar was said about Kishor Wagh ACB case in BJP Ruling news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.