Tata Investment Share Price | टाटा ग्रुपच्या या शेअरने गुंतवणुकदारांना करोडपती केले, 2 दिवसात दिला 15% परतावा

Tata Investment Share Price | टाटा समूहाचा भाग असलेल्या टाटा इन्व्हेस्टमेंट कंपनीचे शेअर्स बुधवारच्या ट्रेडिंग सेशनमध्ये 15 टक्के वाढीसह 6725 रुपये किमतीवर ट्रेड करत होते. मागील 5 दिवसात या कंपनीच्या शेअर्सची किंमत 17 टक्के मजबूत झाली आहे. टाटा इन्व्हेस्टमेंट कंपनीचे शेअर्स गुंतवणुकदारांना सर्वाधिक परतावा कमावून देणारे शेअर्स म्हणून ओळखले जातात. आज शुक्रवार दिनांक 23 फेब्रुवारी 2024 रोजी टाटा इन्व्हेस्टमेंट स्टॉक 1.68 टक्के घसरणीसह 6,860 रुपये किमतीवर ट्रेड करत आहेत.

मागील वर्षी टाटा इन्व्हेस्टमेंट कंपनीच्या शेअर्सने आपल्या गुंतवणुकदारांना 103 टक्के परतावा कमावून दिला आहे. टाटा इन्व्हेस्टमेंट कॉर्पोरेशन ही कंपनी एक नॉन-बँकिंग वित्तीय कंपनी म्हणून व्यवसाय करते. ही कंपनी टाटा सन्सचा भाग म्हणून ओळखली जाते. टाटा इन्व्हेस्टमेंट कंपनी RBI च्या गुंतवणूक कंपनीच्या श्रेणीमध्ये नोंदणीकृत आहे. ही कंपनी मुख्यतः सूचीबद्ध आणि असूचीबद्ध कंपन्यांचे इक्विटी शेअर्स, कंपन्यांची कर्ज साधने आणि म्युच्युअल फंडांमध्ये गुंतवणूक करण्याचा व्यवसाय करते.

टाटा इन्व्हेस्टमेंट कंपनी लाभांश आणि गुंतवणूक साधनांच्या खरेदी-विक्रीतून मिळणाऱ्या नफ्यातून कमाई करते. मागील एका दशकात टाटा इन्व्हेस्टमेंट कंपनीचे शेअर्स 406 रुपये किमतीवरून 6800 रुपये किमतीवर पोहोचले आहेत. याकाळात टाटा इन्व्हेस्टमेंट कंपनीच्या शेअर्सने आपल्या गुंतवणुकदारांना 1400 टक्के परतावा कमावून दिला आहे.

डिसेंबर तिमाहीत टाटा इन्व्हेस्टमेंट कंपनीने 53 कोटी रुपये एकत्रित निव्वळ नफा कमावला आहे. मागील वर्षीच्या याच तिमाहीच्या तुलनेत टाटा इन्व्हेस्टमेंट कंपनीच्या निव्वळ नफ्यात 51.42 टक्के वाढ झाली आहे. डिसेंबर तिमाहीत टाटा इन्व्हेस्टमेंट कंपनीने 51 कोटी रुपये महसूल संकलित केला आहे. तर मागील वर्षी याच तिमाहीत टाटा इन्व्हेस्टमेंट कंपनीने 38 कोटी रुपये महसूल संकलित केला होता. मागील वर्षीच्या याच तिमाहीच्या तुलनेत टाटा इन्व्हेस्टमेंट कंपनीच्या महसूल संकलनात 34.21 टक्के वाढ झाली आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Tata Investment Share Price NSE Live 23 February 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.