मुंबई असो कि महाराष्ट्र | ब्रँड एकच | छत्रपती शिवाजी महाराज - आ. नितेश राणे

मुंबई, १३ सप्टेंबर : अभिनेत्री कंगना रणौतने काही दिवसांपूर्वी मुंबई ही आपल्याला पाकव्याप्त काश्मीरसारखी वाटते आहे असं वक्तव्य केलं होतं. त्यावरुन बराच वादंग माजला. सिनेसृष्टीतल्या अनेक कलाकारांनी कंगनाच्या या वक्तव्याचा निषेध केला. एवढंच नाही तर राजकीय वर्तुळातही कंगनावर टीका झाली. विधानसभेच्या विशेष अधिवेशनात कंगनाविरोधात हक्कभंगही आणला गेला.

सामनात शिवसेना नेते संजय राऊत यांनी रोखठोक भाष्य केले आहे. संजय राऊत म्हणाले की, ठाकरे हा महाराष्ट्राच्या स्वाभिमानाचा एक ब्रँड आहे. दुसरा महत्त्वाचा ब्रँड पवार नावाने चालतो आहे. मुंबईतून या ब्रँडनाच नष्ट करायचे आणि त्यानंतर मुंबईवर ताबा मिळवायचा हे कारस्थान पुन्हा एकदा उघडे पडले आहे. राज ठाकरे हेसुद्धा त्याच ब्रँडचे एक घटक आहेत. या वादाचा फटका त्यांनाही बसणार आहे, शिवसेनेबरोबर त्यांचे मतभेद असू शकतात. पण शेवटी महाराष्ट्रात ठाकरे ब्रँडचा जोर असायला हवा. ज्या दिवशी ठाकरे ब्रँडचे पतन होईल. त्या दिवसापासून मुंबईचे पतन व्हायला सुरुवात होईल असं मत त्यांनी मांडले आहे.

संजय राऊत यांनी कंगना आणि शिवसेना वाद तसेच महाराष्ट्राच्या राजकारणातील ठाकरे कुटंबाच्या महत्त्वाबाबत सामनामधून लिहिलेल्या रोखठोक लेखाला निलेश राणे यांनी ट्वटिवरवरून जोरदार प्रत्युत्तर दिले आहे. आपल्या ट्विटमध्ये निलेश राणे म्हणाले की, संजय राऊत म्हणतात की, पवार आणि ठाकरे महाराष्ट्राचे ब्रँड आहेत. त्यांना सांगा जगात ब्रँडची निर्मिती वस्तू विकायला केली जाते. म्हणजे महाराष्ट्र विकला असं म्हणायचं का? महाराष्ट्राने अनेक लोकांना मोठं केलं. हे राज्य कुणाच्या बापाचं नाही. हे राज्य जनतेने मोठं केलं आहे. कुठल्या विकाऊ ब्रँडने नाही.

दरम्यान, भाजपचे आमदार नितेश राणे यांनी आपल्या ट्विटमधून संजय राऊत यांच्यावर मोजक्या आणि सूचक शब्दात जोरदार निशाणा साधला आहे. आमदार नितेश राणे यांनी “मुंबई असो कि महाराष्ट्र.. एकच ब्रँड..छत्रपती शिवाजी महाराज!! असं ट्विट करत राऊतांना आणि शिवसेनेला मोजक्या ओळीत जोरदार प्रत्युत्तर दिलं आहे.

मुंबई असो कि महाराष्ट्र.. एकच ब्रँड..

छत्रपती शिवाजी महाराज!!

— nitesh rane (@NiteshNRane) September 13, 2020

News English Summary: In his tweet, BJP MLA Nitesh Rane slammed Sanjay Raut in a few words. MLA Nitesh Rane said that whether it is Mumbai or Maharashtra, only one branch, Chhatrapati Shivaji Maharaj !! By tweeting like this, Raut and Shiv Sena have given a strong reply in a few lines.

News English Title: BJP MLA Nitesh Rane slams Shivsena MP Sanjay Raut over Saamana Editorial Thackeray Brand Marathi News LIVE Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.