सुशांतसिंग राजपूतप्रकरणी ED सुद्धा खटला दाखल करु शकते - देवेंद्र फडणवीस

मुंबई, ३१ जुलै : विधानसभा विरोधी पक्षनेते देवेंद्र फडणवीस यांनी ट्विट करत मुख्यमंत्र्यांवर निशाणा साधला आहे. त्यांनी म्हटले आहे की, या प्रकरणी लोकांना वाटते सीबीआय चौकशी व्हावी मात्र राज्य सरकार त्यात आडकाठी करत आहे.

सुशांतसिंगच्या आत्महत्येचा सीबीआय तपास व्हावा, अशी मोठ्या प्रमाणात जनभावना आहे. पण, सरकारची इच्छा नसल्याचे दिसून येते. मात्र, याप्रकरणात मनी लॉड्रींग आणि गैरवर्तन असल्याचे समोर येत आहे. त्यामुळे अंमलबजावणी संचालनालय म्हणजे ईडीकडून किमान एक ईसीआयआर दाखल करण्यात येऊ शकते, असे ट्विट देवेंद्र फडणवीस यांनी केले आहे. दरम्यान, हे प्रकरण सीबीआयकडे देण्याची गरज नसल्याचे राज्य सरकारने स्पष्ट केले आहे. गृहराज्यमंत्री सतेज पाटील यांनीही बिहार पोलीस केवळ प्राथमिक चौकशीसाठी आले होते, मुंबई पोलीस चांगल्याप्रकारे तपास करत असून सीबीआयकडे तपास देण्याची गरज नसल्याचे म्हटले आहे.

There is a huge public sentiment about handing over #SushantSinghRajput case to CBI but looking at the reluctance of State Government, atleast @dir_ed ED can register an ECIR since misappropriation and money laundering angle has come out.

— Devendra Fadnavis (@Dev_Fadnavis) July 31, 2020

दरम्यान बिहार पोलीस येथे आले असावेत कारण तेथे स्वतंत्र तक्रार दाखल केली गेली होती. परंतु मुंबई पोलिसांचा तपास योग्य दिशेने आहे आणि योग्य चौकशी करेल. हा खटला सीबीआयकडे सोपविण्याची गरज नाही, महाराष्ट्र पोलीस तपास करण्यास सक्षम आहेत असं राज्य सरकारने म्हटलं आहे.

Bihar Police might have come here because a separate complaint was filed there, but Mumbai Police’s investigation is in right direction & will investigate properly. There’s no need to handover the case to CBI, Maharashtra Police is capable of investigating: Maharashtra’s MoS Home pic.twitter.com/MDUPftVZAb

— ANI (@ANI) July 31, 2020

बॉलीवूड अभिनेता सुशांत सिंह राजपूत आत्महत्या प्रकरणाच्या तपासात काल अनेक घडामोडी घडल्या. या प्रकरणाचा तपास करणाऱ्या बिहार पोलिसांनी तपासाचा धडाका लावला. काल बिहार पोलिसांनी अभिनेत्री अंकिता लोखंडेची सुमारे तासभर चौकशी केली. त्याकरता बिहार पोलीस अंकिता लोखंडेच्या घरी पोहचले. यावेळी त्यांनी अंकिताची सुशांत सिंह आत्महत्याप्रकरणी चौकशी केली. दरम्यान, आज सुशांत सिंह राजपूत मृत्यूप्रकरणी पाटणा राज्य पोलिसांकडून केंद्रीय अन्वेषण ब्युरोकडे (सीबीआय) चौकशीचे हस्तांतरण करण्याची मागणी करणारे एक पत्र याचिका पटना हायकोर्टात दाखल करण्यात आले आहे.

Sushant Singh Rajput death case: A letter petition has been filed in Patna High Court seeking transfer of investigation from Patna State Police to the Central Bureau of Investigation (CBI). pic.twitter.com/Vmi8zwZ31V

— ANI (@ANI) July 31, 2020

News English Summary: Leader of Opposition in the Assembly Devendra Fadnavis has targeted the Chief Minister by tweeting. He said that in this case, people think that there should be a CBI inquiry but the state government is obstructing it.

News English Title: CBI demands Sushant Singh Rajput case ED can file case Devendra Fadnavis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.