सेनेचं अमराठी राजकारण | भाजपाची फारकत | 'गेम छो' होण्यापूर्वीच मराठी माणूस मनसेकडे

मुंबई, १८ सप्टेंबर : राज्याचे पर्यावरण मंत्री आणि वरळी मतदारसंघाचे आमदार आदित्य ठाकरे यांच्या मतदारसंघातील नागरिकांनी शुक्रवारी सकाळी कृष्णकुंज बाहेर गर्दी केली. राज ठाकरे यांच्या उपस्थितीत हे लोक मनसेत प्रवेश करणार असल्याची माहिती मनसेचे विभाग अध्यक्ष संतोष धुरी यांनी दिली. मागील विधानसभेत राज ठाकरे यांनी कौटुंबिक संबंध जपताना आदित्य ठाकरेंविरुद्ध उमेदवार दिला नव्हता. दुसऱ्या बाजूला भाजपाशी युती असल्याने अमराठी मतं आदित्य ठाकरेंना मिळाली होती. त्यात राष्ट्रवादीचे नेते सचिन अहिर यांना शिवसेनेत आणून त्यांच्या विरुद्धची राजकीय स्पर्धा संपुष्टात आणली होती.

मात्र राजकरणात केवळ स्वार्थी निर्णय घेणाऱ्या शिवसेनेसोबत आगामी निवडणुकीत कोणी भावकीचे राजकीय संबंध, तर भाजपचे राजकीय संबंध कामी येणार नाहीत अशीच शक्यता आहे. सचिन अहिर यांना पक्षात आणून पदाधिकारी भूमिकेत ठेवलं आहे. त्यात पवारांशी पंगा घेतल्याने आणि त्यानंतर शिवसेनाच राष्ट्रवादीसोबत गेल्याने सचिन अहिर यांची पूर्ण राजकीय कोंडी झाली आहे. मात्र आगामी विधानसभेच्या वेळी मनसे राजकीय दृष्ट्या स्वार्थी झाल्याचं पाहायला मिळाल्यास आश्चर्य वाटणार नाही. त्यामुळे अनेक मतदार संघात जोरदार मोर्चे बांधणी सुरु आहेत. त्यात वरळी देखील असेल असं दिसतं आहे. वरळीतील अमराठी राजकारणामुळे तिथला मराठी माणूस मनसेकडे वर्ग होण्यास सुरुवात झाली आहे.

#VIDEO – आदित्य ठाकरेंच्या वरळी मतदारसंघातील नागरिकांची कृष्णकुंजबाहेर गर्दी…राज ठाकरेंना भेटणार……वरळीतील सामाजिक संस्था, सार्वजनिक मंडळाचे कार्यकर्ते यांनी मनसेत प्रवेश करण्याचा निर्णय घेतला आहे.#Worli #AadityaThackeray #MNS #RajThackeray pic.twitter.com/fn3bMP0dxH

— महाराष्ट्रनामा न्यूज (@MahaNewsConnect) September 18, 2020

त्यामुळेच वरळी मतदारसंघातील नागरिकांनी कृष्णकुंजवर जाऊन राज ठाकरे यांच्या उपस्थितीत प्रवेश केला आहे.मनसेचे पदाधिकारी संतोष धुरी यांच्या नेतृत्वाखाली या लोकांनी हा प्रवेश केला आहे. वरळीमधील काही सामाजिक संस्था, सार्वजनिक मंडळाच्या कार्यकर्त्यांसह इतर नागरिकांनी मनसेत प्रवेश देण्यात आला आहे, अशी माहिती संतोष धुरी यांनी दिली.

‘आदित्य ठाकरे यांना विधानसभा निवडणुकीत वरळीच्या जनतेनं निवडून दिले आहे. ते चांगले काम करतील अशी अपेक्षा होती. पण त्यांच्या कामाची प्रचिती इथल्या लोकांना झाली आहे. तुर्तास कोणत्याही निवडणुका नाही. पण मनसे आणि राज ठाकरे यांच्या नेतृत्वाखाली काम करण्याची इच्छा असल्यामुळे त्यांनी प्रवेश केला आहे’, असंही धुरी यांनी सांगितलं.

News English Summary: Citizens from the constituency of Aditya Thackeray, the state’s environment minister and MLA from Worli constituency, crowded outside Krishnakunj on Friday morning. MNS division president Santosh Dhuri informed that these people will join MNS in the presence of Raj Thackeray. In the last assembly, Raj Thackeray did not field a candidate against Aditya Thackeray while maintaining family ties.

News English Title: Environment Minister Aaditya Thackeray Worli constituency citizens Crowd will join MNS presence of Raj Thackeray Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.