राज्य सरकारची कोकणातील चाकरमान्यांसाठी नियमावली | परप्रातीयांवर मेहेरबान

मुंबई, ९ ऑगस्ट : गणेशोत्सवासाठी १२ ऑगस्टपर्यंत जे नागरिक एसटी बस किंवा अन्य खासगी वाहनाने कोकणात येतील त्यांना १० दिवस होम क्वारंटाइन करण्यात येईल. त्यासाठी कोरोना चाचणीची आवश्यकता नाही. १२ ऑगस्टनंतर जे नागरिक कोकणात जातील त्यांच्यासाठी कोरोना चाचणी अनिवार्य आहे. ती निगेटिव्ह असेल तरच प्रवासाची परवानगी मिळेल.

कोकणात जाणाऱ्या एसटी बसने प्रवास करणाऱ्यांना ई-पासची आवश्यकता नाही. खासगी वाहनाने कोकणात जाणाऱ्यांना पोलिसांच्या संकेतस्थळावर अर्ज करावा लागेल. निर्धारित प्रवासी संख्या आणि अन्य अटी-शर्तीचे पालन केल्यानंतरच पोलीस आयुक्त व जिल्हाधिकारी ई-पास देतील. गणेशोत्सवासाठी कोकणात जाणाऱ्या नागरिकांना जिल्हाधिकाऱ्यांच्या ना हरकत प्रमाणपत्राची आवश्यकता नाही.

एसटीने प्रवास करताना कोरोना प्रसार होऊ नये म्हणून फिजिकल डिस्टन्सिंग, निर्जंतुकीकरण, मास्क याची काळजी प्रवाशांना घ्यावी लागेल. एसटी महामंडळाच्या अधिकृत ठिकाणीच पिण्याचे पाणी आणि नैसर्गिक विधीसाठी वाहन थांबवले जाईल. प्रवासादरम्यान भोजन आणि पिण्याच्या पाण्याची व्यवस्था प्रवाशांना करावी लागेल.

एकाबाजूला कोकणातील चाकरमानी आणि राज्यातील लोकं राज्य सरकारच्या कोरंटाईनच्या नियमावलीत अडकलेले असताना दुसऱ्या बाजूला मोठ्या प्रमाणावर उत्तर भारतातून परप्रांतीय मजूर मुंबईमध्ये रेल्वेने धडकत आहेत. अगदी दादर रेल्वे स्थानकावर हे दृश्य सहज नजरेस पडतं. मात्र यावर मुंबई महानगरपालिकेचं कोणताही लक्ष नसल्याचं दिसतं. त्यामुळे राज्यातील लोकांच्या चेहऱ्यावर राज्य सरकार आणि मुंबई महानगरपालिकेविरुद्ध संताप पाहायला मिळत आहे.

News English Summary: Citizens who come to Konkan by ST bus or other private vehicle till August 12 for Ganeshotsav will be given 10 days home quarantine. It does not require a corona test. Corona test is mandatory for citizens who go to Konkan after 12th August. Travel will be allowed only if it is negative.

News English Title: Migrants are coming Daily through railway but BMC has no time for quarantine News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.