मुंबईत लस संपत आली तरी पुरवठा नाही | वरवर माया आणि पोटभर जेव ग बया असं केंद्राचं धोरण - महापौर

मुंबई, ७ एप्रिल: नवीन रुग्णांच्या बाबतीत महाराष्ट्र जगात तिसऱ्या क्रमांकावर पोहोचला आहे. या प्रकरणात ब्राझील आणि अमेरिका महाराष्ट्राच्या पुढे आहेत. राज्यात गेल्या 24 तासांमध्ये कोरोना संक्रमणाच्या 55,469 नवीन केस आल्या. 34,256 बरे झाले आणि 297 जणांचा मृत्यू झाला. नवीन प्रकरणांचा हा दुसरा सर्वात मोठा आकडा आहे. यापूर्वी 4 एप्रिलला 57,074 प्रकरणे आली होती.

देशात सर्वाधिक लसीकरण मुंबईसह महाराष्ट्रात सुरु असतानाच लसीचा साठा संपत आल्याची बातमी आहे. मुंबईच्या महापौर किशोरी पेडणेकरांनीच हे वास्तव उघड केले आहे. त्यांनी संतापाने केंद्रातील भाजपा सरकारला लक्ष्य केले आहे, “सह्याद्रीला नेहमीच केंद्र सरकारकडून सापत्न वागणूक दिली जात आहे. ‘वरवर माया आणि पोटभर जेव ग बया’ असं केंद्र सरकारचं सुरू आहे. आम्ही जर लसीकरण करायचंय तर आम्हाला मिळायला तर पाहिजे ना.. आम्ही सगळे नियम पाळतो आहोत. राज्य सरकाराने केंद्राला पत्र ही पाठवलं तरी आम्हाला लस मिळत नाही”

राज्यात कोरोनाचे थैमान सुरू असून मोठ्या प्रमाणावर लसीकरणाचा कार्यक्रम हाती घेण्यात आला आहे. त्यात मुंबई देखील मागे नाही. मात्र, अशास्थितीत मुंबईकरांची चिंता वाढवणारी बातमी समोर आली आहे. मुंबईत पुढील २ ते ३ दिवस पुरेल इतकाच कोरोना लसीचा साठा शिल्लक असल्याची माहिती महापौर किशोरी पेडणेकर यांनी दिली आहे. “मुंबईत सध्या कोव्हिशिल्ड आणि कोव्हॅक्सिन या दोन्ही लसींचे मिळून १ लाख ८५ हजार डोस शिल्लक आहेत. तसेच मुंबईला मिळणारा पुढचा लसींचा साठा हा १५ एप्रिलनंतर मिळणार आहे. त्यामुळे येत्या ३ दिवसांत मुंबईत लसींचा तुटवडा निर्माण होऊ शकतो”, अशी माहिती किशोरी पेडणेकर यांनी दिली आहे.

News English Summary: While the highest number of vaccinations in the country has started in Mumbai and Maharashtra, it is reported that the stock of vaccines has been depleted. Mumbai Mayor Kishori Pednekar has revealed this fact. He has angrily targeted the BJP government at the Center, saying, “Sahyadri has always been treated unfairly by the Central Government.

News English Title: Mumbai Mayor Kishori Pednekar criticised Modi govt over supply corona vaccine news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.