पावसामुळे मुंबईत सखल भागांत पाणी साचायला सुरुवात

मुंबई, ४ जून: काल रत्नागिरी, रायगड आणि पुण्याला ‘निसर्ग’ चक्रीवादळाने झोडपले. या वादळाचा तडाखा मुंबईलाही बसणार असल्याचा अंदाज वर्तविण्यात आला होता. मात्र रायगडकडून वादळाने दिशा बदलली, त्यामुळे मुंबईवरील धोका टळला. परंतु तरीही काल मुंबईत पावसाने वादळी वाऱ्यासह जोर धरला होता. त्यांनतर मुंबईकरांची आजच्या दिवसाची सुरुवातही पावसानेच झाली आहे. मुंबईच्या सीएसएमटी, दादर, माटुंगा, पवई, चेंबूर, कुर्ला इत्यादी भागांमध्ये जोरदार पावसाने हजेरी लावली आहे. या पावसामुळे अनेक सखल भागांमध्ये पाणी साचण्यास सुरुवात झाली आहे.

Maharashtra: Rain lashes parts of Mumbai; visuals from Kandivali area. pic.twitter.com/NrujSN6SfC

— ANI (@ANI) June 4, 2020

दरम्यान, एकीकडे मुंबईतील कोरोनाबाधितांची संख्या झपाट्याने वाढतेय, तर दुसरीकडे मुंबईकरांना मुसळधार पावसाचा सामना करावा लागतोय. काल झालेल्या पावसामुळे मुंबईत काही ठिकाणी झाड कोसळल्याच्या घटना घडल्या. सुदैवाने यात कोणतीही जीवितहानी झाली नाही.

पुण्यात रात्री उशिरा पावसाने झोडपल्याने मोठ्या प्रमाणात झाडे उन्मळून रस्त्यावर पडली आहे. पावसाने जोर धरल्याने अनेक ठिकाणचा वीजपुरवठा खंडित करण्यात आला आहे. चक्रीवादळाच्या वाऱ्यामुळे भीमा खोऱ्यात टेमघर आणि कृष्णा खोऱ्यातील मोळेश्वर कण्हेर येथे सर्वाधिक पाऊस पडला. पुणे शहराला पाणीपुरवठा करणाऱ्या खडकवासला, पानशेत, वरसगाव, टेमघर धरणात मंगळवारपासून पाऊस आहे.

Maharashtra: Streets in parts of Pune city waterlogged due to incessant rainfall here. Visuals from last night, from Kondhwa area of Pune. pic.twitter.com/gSJJGtoNlf

— ANI (@ANI) June 3, 2020

News English Summary: Mumbaikars have started the day with rain. Heavy rains have lashed parts of Mumbai’s CSMT, Dadar, Matunga, Powai, Chembur, Kurla and other areas. This rain has started accumulating water in many low lying areas.

News English Title: Mumbaikars have started the day with rain Heavy rains have lashed parts of Mumbai News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.