राज्यपालांना कंगनाला भेटायला वेळ आहे | पण शेतकऱ्यांसाठी नाही - शरद पवार

मुंबई, २४ जानेवारी: आखिल भारतीय किसान सभेचा मोर्चा रविवारी रात्री मुंबईत दाखल झाला आहे आहे. शेकडो किलोमीटरचे अंतर कापून हे शेतकरी मुंबईत दाखल झाले आहेत. या मोर्चामध्ये हजारो शेतकरी सहभागी झाले आहेत. या मोर्चाला पाठिंबा देण्यासाठी राष्ट्रवादीचे अध्यक्ष शरद पवार, महसूलमंत्री बाळासाहेब थोरात आझाद मैदानात दाखल झाले.

यावेळी शरद पवारांनी उपस्थितांना संबोधित करताना म्हटलं की, देशातील शेतकऱ्यांना पाठिंबा देत आहात तुमचे मनापासून धन्यवाद देतो. ही लढाई सोपी नाही, ज्यांच्याकडे सत्ता आहे त्यांना शेतकऱ्यांची कवडीची आस्था नाही. पंतप्रधान शेतकऱ्यांची विचार पूस करत नाही , हे शेतकरी काही पाकिस्तानमधील आहेत का? पंजाबमधील शेतकऱ्यांचं देशासाठी योगदान मोठं आहे. सरकारच नाकर्तेपणा दाखवत आहे, याचा निषेध करतो. भाजपकडून चर्चा न करता कायदा मंजूर करण्यात आले. बोलू दिल नाही, केलेला कायदा मागे घ्या किंवा नका घेऊ पण देशातील जनता कायदा आणि तुम्हाला उद्ध्वस्त करणार हे नक्की. महाराष्ट्राच्या इतिहासात असले राज्यपाल भेटले आहेत , इथे शेतकरी भेटणार म्हणून राज्यपाल गेले गोव्याला असा राज्यपाल पाहिला नाही, त्यांना कंगनाला भेटायला वेळ, पण शेतकऱ्यांना भेटायला नाही असा घणाघात देखील पवारांनी केला.

दुराकीडे शेतकरी नेते अशोक ढवळेंनी मोदी-शाहांवर घणाघात करताना, मोदींचे हम दो म्हणजे मोदी आणि शाह, तर हमारे दो म्हणजे अंबनी आणि अदानी आहेत. मोदी- शाहांनी देशातील सर्व विकायला काढलं, आता हे शेतकऱ्यांना विकायला काढत आहेत. यापुढे म्हणजे त्यांनी देशच विकायला काढला आहे. मात्र आम्ही हे होऊ देणार नाहीअसा इशारा अशोक ढवळे यांनी दिला आहे.

News English Summary: The law was passed without discussion by the BJP. I don’t want to talk, take back the law or not, but the people of the country will destroy the law and you. The governors in the history of Maharashtra have met. The governor went to Goa to meet the farmers. He has never seen such a governor in Goa. It is time for him to meet Kangana, but not to meet the farmers.

News English Title: NCP President Sharad Pawar slams state governor Bhagat Singh koshayari over farmers protest in Mumbai news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.