कोरोना आपत्ती: आर्थिक मदतीसोबत, सरकारी इस्पितळात अत्यावश्यक साहित्याचं 'मनसे' वाटप

मुंबई, ०१ एप्रिल: मुख्यमंत्री उद्धव ठाकरे यांनी कोरोना विषाणूचा मुकाबला करण्यासाठी मुख्यमंत्री सहायता निधीच्या स्वतंत्र बँक खात्यात दानशूर व्यक्ती व संस्थानी आपले योगदान द्यावे, असे आवाहन केले होते. त्याला उत्तम प्रतिसाद मिळत असून, गेल्या तीन दिवसांत ९३ कोटी पाच लाख रुपये या खात्यात जमा झाले आहेत. या सर्वांचे मुख्यमंत्र्यांनी आभार मानले आहेत.

मंगळवारी प्रामुख्याने शिर्डी संस्थानने ५१ कोटी, महाराष्ट्र औद्योगिक विकास महामंडळाच्या अधिकाऱ्यांनी एक दिवसाच्या वेतनपोटी ११ कोटी रुपये, श्री स्वामी विवेकानंद शिक्षण संस्था, कोल्हापूरने एक कोटी रुपये दिले. दरम्यान, राज्यातील करोनाग्रस्तांचा आकडा वाढला असून आता तो ३२० वर पोहोचला आहे. मंगळवारी राज्यातील करोनाग्रस्तांची संख्या ३०२ एवढी होती. परंतु बुधवारी तो आकडा वाढून ३२० वर पोहोचला. यामध्ये मुंबईत १६ आणि पुण्यात २ नवे करोनाग्रस्त आढळले आहेत.

सदर परिस्थतीत सर्वच बाजूंनी सरकारकडे मदतीचा ओघ सुरूच आहे. मनसेचे माजी आमदार नितीन सरदेसाई यांनी मुख्यमंत्री निधीला १० लाख दिले असून, स्थानिक पातळीवर देखील मनसेचे कार्यकर्ते आणि पदाधिकारी नियमांचे पालन करत सरकारला सर्वतोपरी मदत करत आहेत. तर शर्मिला राज ठाकरे यांनी मोजक्या कार्यकर्त्यांमार्फत मुंबईतील सरकारी हॉस्पिटल्समध्ये २५०० चादरी पाठवून वैद्यकीय कर्मचाऱ्यांना देखील मदत केली आहे.

धन्यवाद @1nitinsardesai जी आणि @mnsadhikrut ?? https://t.co/AGudmXYY9y

— CMO Maharashtra (@CMOMaharashtra) April 1, 2020

News English Summary: Shirdi Sansthan gave Rs 51 crore, Maharashtra Industrial Development Corporation officials paid Rs 11 crore a day’s salary, Shree Swami Vivekananda Education Institute, Kolhapur one crore. Meanwhile, the number of coroners in the state has increased and now it has reached 320. The number of coroners in the state was 302 on Tuesday. But on Wednesday, that number increased to 320. Of these, 16 were found in Mumbai and 2 in Pune. In this situation, there is a wave of help from the government on all sides. Former MNS MLA Nitin Sardesai has given Rs 10 lakh to the Chief Minister’s Fund, and at the local level, MNS workers and office bearers are helping the government by following the rules. Sharmila Raj Thackeray has also helped medical staff by sending 2500 bed sheets to government hospitals in Mumbai through a handful of activists.

News English Title: Story Corona crisis MNS party helping hands News latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.