कोरोनाचे सर्वाधिक रुग्ण महाराष्ट्रात; लागण झालेल्यांची संख्या २६ वर

मुंबई, १४ मार्च :  राज्यातल्या कोरोनाग्रस्तांची (COVID-१९) संख्या वाढली आहे. आता देशात सर्वाधिक कोरोना व्हायरसची लागण झालेले रुग्ण महाराष्ट्रात आहेत. मुंबई, नवी मुंबई आणि यवतमाळमध्ये नवे रुग्ण सापडल्याने राज्यातल्या बाधितांची संख्या २६ वर पोहोचली आहे. कोरोना संदर्भात खबरदारीचा पर्याय म्हणून सगळ्या शाळा बंद करण्यात आल्या आहेत. यात राज्यातल्या सरकारी आणि खासगी सर्व शाळांचा समावेश आहे. येत्या ३१ मार्चपर्यंत राज्यातील सर्व शाळा बंद राहतील, असं आरोग्यमंत्री राजेश टोपे यांनी विधानसभेत सांगितलं.

Maharashtra Health Minister Rajesh Tope: Total positive #Coronavirus cases in the state rise to 26. (file pic) pic.twitter.com/E74mAJIr1O

— ANI (@ANI) March 14, 2020

नागपूर येथे एका ४३ वर्षीय आयटी व्यावसायिकाला कोरोना विषाणूची लागण झालेली आहे. हा रुग्ण अमेरिकेचा दौरा करुन आलेला आहे. तर यवतमाळ येथे आढळून आलेले दोन्ही रुग्ण हे दुबईला जाऊन आले होते. या दोघांचा अहवाल पॉझिटिव्ह आल्याचे यवतमाळचे जिल्हाधिकार एम डी सिंग यांनी सांगितल्याचे एएनआय या वृत्तसंस्थेने म्हटले आहे.

MD Singh, Collector Yavatmal: Two persons have been tested positive for #Coronavirus in Yavatmal; both have travel history to Dubai. #Maharashtra

— ANI (@ANI) March 14, 2020

राज्यात पुढील आदेश येईपर्यंत सर्व शासकीय, व्यावसायीक, यात्रा, धार्मीक, क्रिडा विषयक कार्यक्रम रद्द करण्याचे निर्देशही प्रशासनाला देण्यात आले असून गांभीर्य ओळखून सर्वांनी साथरोग प्रतिबंधासाठी प्रशासनाला सहकार्य करावे, असे आवाहनही आरोग्यमंत्र्यांनी यावेळी केले.

राज्यातील कोरोनाग्रस्तांची संख्या २६ इतकी झाली आहे. पुणे-पिंपरी चिंचवड-१०, मुंबई-५, नागपूर-४, यवतमाळ-२, ठाणे-१, कामोठे (रायगड)-१, नवी मुंबई-१, कल्याण-१ आणि अहमदनगर-१ या जिल्ह्यात मिळून २६ कोरोनाग्रस्त रुग्ण आढळून आले आहेत. पुण्यातील सर्व १० रुग्णांची प्रकृती स्थिर असल्याचे विभागीय आयुक्त डॉ. दीपक म्हैसेकर यांनी सांगितले.

News English Summery: The number of corona virus affected (covid-19) in the state has increased. Now Maharashtra has the highest corona virus patients in the country. In Mumbai, Navi Mumbai and Yavatmal, the number of patients in the state has reached 26 as new patients are found. All schools have been closed as a precautionary measure in the context of Corona. This includes all public and private schools in the state. Health Minister Rajesh Tope said in the Legislative Assembly that all schools in the state would be closed by March 31. A 43-year-old IT businessman has been infected with Corona virus in Nagpur. This patient has visited the US. Both the patients found at Yavatmal had come to Dubai. Yavatmal District MD Singh has said that the report of the duo was positive.

News English Title: Story Corona Virus in Maharashtra there are 26 positive patients in the state says health Minister Rajesh Tope News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.