मुंबईतील दोन पोलिस अधिकाऱ्यांना कोरोनाची लागण; इस्पितळात दाखल

मुंबई, १६ एप्रिल: कोरोनाचा फैलाव रोखण्याचा प्रयत्न सुरु असताना परिस्थिती अद्यापही नियंत्रणात आली नसल्याचं चित्र आहे. महाराष्ट्रात कोरोनाग्रस्तांची संख्या २९१६ वर पोहचली आहे. बुधवारी महाराष्ट्रात दिवसभरात करोनाची लागण होऊन ९ जणांचा मृत्यू झाला. तर २३२ रुग्ण करोना पॉझिटिव्ह आढळले आहेत. यापैकी १९०० पेक्षा जास्त रुग्ण हे मुंबईतले आहेत तर उर्वरित इतर महाराष्ट्रातले आहेत. महाराष्ट्रात १८७ जणांचा मृत्यू झाला आहे.

आज महाराष्ट्रातील कोरोनाग्रस्त रुग्णांच्या संख्येत आणखी वाढ झाली. त्यामुळे राज्यातील करोनाचा संसर्ग झालेल्या रुग्णांची तीन हजार ८१ इतकी झाली आहे. यात सर्वाधिक रुग्ण मुंबईत आढळून आले आहेत. मात्र, आधीच्या दोन दिवसांच्या तुलनेत बुधवारी रुग्णांची वाढ कमी झाल्यानं सर्वांनाच थोडासा दिलासा मिळाला आहे. आतापर्यंत २९५ रुग्ण बरे होऊन घरी गेले आहेत.

165 more #COVID19 cases (including 107 in Mumbai) reported in Maharashtra today, taking the total number of coronavirus cases in the state to 3081: State Health Department pic.twitter.com/a1xpyzfyrX

— ANI (@ANI) April 16, 2020

मुंबईमध्ये दोन पोलिस अधिकाऱ्यांना कोरोनाची लागण झाल्याचे समोर आले आहे. मुंबई पोलिसांच्या स्पेशल ब्रँचमध्ये तैनात असलेल्या ३४ वर्षीय सहाय्यक पोलिस निरीक्षकाला कोरोनाची लागण झाली आहे. तर भायखळा पोलिस वसाहतीमध्ये राहणाऱ्या आणखी एका पोलिस अधिकाऱ्याला कोरोनाची लागण झाली आहे. त्यामुळे एकच खळबळ उडाली आहे.

दोन्ही पोलिस अधिकाऱ्यांची कोरोना तपासणी पॉझिटव्ह आल्यानंतर त्यांना सेव्हन हिल्स रुग्णालयात विलगीकरण कक्षात ठेवण्यात आले आहे. त्याचसोबत भायखळ्याच्या पोलिस वसाहतीमध्ये कोरोनाबाधित पोलिस अधिकारी ज्या इमारतीमध्ये राहतात ती सील करण्यात आली आहे. वसाहतीमध्ये प्रवेश करणाऱ्यांची तपासणी केली जात आहे, असे एका पोलिस अधिकाऱ्याने सांगितले.

News English Summary: There is a picture that the situation is still under control while Corona is trying to stop the spread. The number of coroners in Maharashtra has reached 2916. At least nine people were killed in Maharashtra on Wednesday. So far 232 patients have been found to be Corona-positive. More than 1900 of these patients are from Mumbai and the rest are from Maharashtra. 187 people have died in Maharashtra.

News English Title: Story Corona virus Mumbai two police officers test positive for Covid 19 Corona crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.