मुंबई, ठाणे, नागपूर, पुण्यातील सिनेमागृहे, नाट्यगृहे आज मध्यरात्रीपासून बंद: मुख्यमंत्री

मुंबई, १३ मार्च: कोरोना विषाणूच्या पार्श्वभूमीवर पुणे, मुंबई, ठाणे, नवी मुंबई, नागपूर आणि पिंपरी-चिंचवड येथील शाळा पुढील आदेश येईपर्यंत बंद ठेवण्याचा निर्णय राज्य सरकारने घेतल्याची माहिती मुख्यमंत्री उद्धव ठाकरे यांनी शुक्रवारी विधानसभेत दिली. जनतेच्या हितासाठी खबरदारी म्हणून हा निर्णय घेण्यात आल्याचे ते म्हणाले. याबाबत घेतलेले निर्णय आज मध्यरात्रीपासून लागू होणार असल्याचेही त्यांनी म्हटले. दहावी आणि बारावीची परीक्षा वगळता शालेय परीक्षा उशिरा घेण्याबाबतही विचार सुरु असल्याचे ते म्हणाले.

मुख्यमंत्री उद्धव ठाकरे यांनी आज विधानसभेत करोनाबाबतचं निवेदन दिलं. राज्यात करोनाचे एकूण १७ रुग्ण आढळले आहेत. त्यापैकी दहा रुग्ण पुण्यातील आहेत. मात्र, या १७ रुग्णांमधील करोनाची लक्षणं गंभीर नाहीत. त्यांच्यावर उपचार सुरू आहेत, असं मुख्यमंत्री उद्धव ठाकरे यांनी सांगितलं. तसेच मुंबई, नवी मुंबई, ठाणे, पुणे, पिंपरी चिंचवड आणि नागपूर येथील जिम, सिनेमागृहे, जलतरण तलाव, नाट्यगृहे आज मध्यरात्रीपासून बंद करण्यात येत असल्याची घोषणा त्यांनी केली. करोनाचा राज्यात फैलाव नाही. मुंबई, ठाणे, नागपूर आणि पुण्यातही नाही. मात्र, खबरदारीचा उपाय म्हणून हा निर्णय घेण्यात येत आहे. पुढचे १४ दिवस काळजी घ्यायला हवेत, म्हणून निर्णय घेतला असल्याचंही त्यांनी सांगितलं.

“जनतेमध्ये भीती आहे म्हणून १० वी आणि १२ वी च्या परीक्षांव्यतिरिक्त पिंपरी चिंचवड आणि पुणे येथील शाळा आपण पुढच्या आदेशापर्यंत बंद ठेवत आहोत.”
-मुख्यमंत्री उद्धव बाळासाहेब ठाकरे pic.twitter.com/9tCaRC3BLv

— Office of Uddhav Thackeray (@OfficeofUT) March 13, 2020

“रेल्वे आणि बस अत्यावश्यक सेवा असल्याने बंद करु शकत नाही. तसंच धार्मिक, सांस्कृतिक, राजकीय तसंच क्रीडा स्पर्धा घेण्यात येऊ नयेत. अशा कार्यक्रमांसाठी सरकारकडून परवानगी दिली जाणार नाही. परवानगी दिली असेल तर ती रद्द केली जाईल. खासगी कंपन्यांना शक्य आहे तिथे सर्व कर्मचाऱ्यांना घरुन काम करण्याची परवानगी द्यावी.

जिथं जिथं शक्य आहे, तिथं खासगी कंपन्यांनी ‘वर्क फ्रॉम होम’ची सुविधा उपलब्ध करुन द्यावी, असे आवाहन राज्य सरकारने कंपन्यांना केले आहे. तसेच, नागरिकांना घाबरून जायचं काहीही कारण नाही. केवळ खबरदारीचा उपाय म्हणून हे निर्णय घेण्यात आले आहेत. आपल्या राज्यातील परिस्थिती अजिबात गंभीर नसून आपण आरोग्य विभागाने दिलेल्या सूचना आणि मार्गदर्शनाचं पालन करावे, गर्दीच्या ठिकाणी जाणे टाळावे, असेही मुख्यमंत्र्यांनी म्हटले.

पुढे बोलताना त्यांनी सांगितलं की, “ज्या देशांची यादी केंद्र सरकारने दिली आहे त्यामध्ये अमेरिका आणि दुबईचा समावेश नव्हता. पण आपल्याकडे सापडलेले रुग्ण तेथून आलेले आहेत. त्यामुळे आपण केंद्र सरकारच्या निदर्शनास ही बाब आणून देणार आहोत”. करोना व्हायरसच्या रुग्णांसाठी मुंबई, पुणे आणि नागपूर विमानतळावर व्यवस्था करण्यात आली असल्याचं यावेळी त्यांनी सांगितलं.

News English Summery: Chief Minister Uddhav Thackeray has made a very important announcement in the wake of 17 cases of coronary disease in the state. Chief Minister Uddhav Thackeray announced in the Legislative Assembly today that Mumbai, Navi Mumbai, Thane, Pune, Pimpri Chinchwad and gym, cinema halls, swimming pools and theaters were closed at midnight. He also urged the citizens not to travel by train or bus without any reason. Chief Minister Uddhav Thackeray made a statement in the Legislative Assembly today. A total of 17 coronary patients have been found in the state. Ten of them are from Pune. However, in these 17 patients, the symptoms of coronary disease are not severe. They are undergoing treatment, Chief Minister Uddhav Thackeray said. He also announced that the gyms, cinemas, swimming pools and theaters in Nagpur, Mumbai, Navi Mumbai, Thane, Pimpri Chinchwad and Nagpur will be closed from midnight onwards. There is no spread in the state of Corona. Not in Mumbai, Thane, Nagpur and even in Pune. However, this decision is being taken as a precautionary measure. The next 14 days have to be taken care of, he said.

Web News Title: Story theater swimming pool and gym will closed from today midnight Chief Minister Uddhav Thackeray announcement.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.