ज्येष्ठ रंगकर्मी राजा मयेकर यांचे वृद्धपकाळाने निधन

मुंबई : ज्येष्ठ रंगकर्मी राजा मयेकर यांचे आज दुपारी १२ वाजताच्या सुमारास वृद्धपकाळाने निधन झाले. वयाच्या ९०व्या वर्षी राहत्या घरी त्यांनी अखेरचा श्वास घेतला. श्वसनाचा त्रास होऊ लागल्याने त्यांना रुग्णालयात दाखल करण्यात आले होते. मात्र डॉक्टरांनी त्यांना मृत घोषित केले. श्वसनाचा त्रास होऊ लागल्यानं त्यांना रुग्णालयात दाखल करण्यात आलं. मात्र, उपचाराआधीच त्यांचं निधन झाल्याचं डॉक्टरांनी सांगितलं. हिंदमाता येथील स्मशानभूमीत आज सायंकाळी त्यांच्या पार्थिवावर अंत्यसंस्कार करण्यात येणार आहेत, अशी माहिती त्यांच्या निकटवर्तीयांनी दिली.

नाटक, चित्रपट, टीव्ही मालिका आणि आकाशवाणी या चारही क्षेत्रांत त्यांनी काम केले. दशावतारी नाटकापासून राजा मयेकर यांचा अभिनयाचा प्रवास सुरू झाला. ‘लोकनाटय़ा’द्वारे व्यावसायिक रंगभूमी त्यांनी जवळून पाहिली. संगीत नाटके आणि बालगंधर्वाच्या नाटकांचे प्रयोगही त्यांनी केले. विनोदाची पातळी कधीही घसरू न देता त्यांनी केलेल्या अभिनयाची आठवण आजही काढली जाते.

गुंतता हृदय हे, सूर राहू दे ,गहिरे रंग, श्यामची आई ,धांदलीत धांदल ,भावबंधन,एकच प्याला,संशयकल्लोळ,बेबंदशाही,झुंझारराव ही त्यांची गाजलेली नाटकं. तसेच धाकटी बहिण,स्वयंवर झाले सीतेचे ,कळत -नकळत, या सुखांनो या, झंझावात,लढाई, धम्माल गोष्ट नाम्याची हे त्यांनी भूमिका केलेले काही गाजलेले सिनेमे. गुंतता हृदय हे नाटकातील सोमजी मास्तर ही त्यांची अतिशय गाजलेली भूमिका.. राजा मयेकरांनी दूरदर्शनवरील हास परिहास,गजरा ,श्रध्दा, असे पाहुणे येती या कार्यक्रमातही महत्वाच्या भूमिका केल्या होत्या.

Web Title: Veteran Marathi Actor Raja Mayekar passed away.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.