शिवसेनाप्रमुख स्वर्गीय. बाळासाहेब ठाकरे यांचा आज ७वा स्मृतिदिन

मुंबई: हिंदुहृदयसम्राट बाळासाहेब ठाकरे यांचा आज ७वा स्मृतिदिन आहे. बाळासाहेबांच्या विचारांतून मराठी माणसाला कायम स्फूर्ती मिळत राहते. स्मृतिदिनाच्या निमित्ताने राज्यभरातून लाखो शिवसैनिक शिवसेनाप्रमुखांच्या अभिवादन करण्यासाठी शिवाजी पार्क येथील शिवतीर्थावर दाखल झाले आहेत.

शरद पवार यांच्याबरोबरच भाजपाचे ज्येष्ठ नेते आणि केंद्रीय मंत्री नितीन गडकरी यांनीही बाळासाहेब ठाकरे यांना अभिवादन केलं आहे. “हिंदूह्रदयसम्राट बाळासाहेब ठाकरे यांच्या स्मृतिदिनानिमित्त विनम्र अभिवादन,” असं ट्विट गडकरी यांनी केलं आहे. तर महाराष्ट्र नवनिर्माण सेनेने देखील बाळासाहेबांना अभिवादन करणार ट्विट केलं आहे. राज्याचे माजी मुख्यमंत्री देवेंद्र फडणवीस यांनीही बाळासाहेबांना आदरांजली अर्पण केली आहे. फडणवीस यांनी ट्विटरवरून बाळासाहेबांविषयी मनोगत व्यक्त करणारा व्हिडीओ शेअर केला आहे.

प्रादेशिक अस्मितेचा हुंकार स्वाभिमानाने मिरवणारा मराठी माणूस स्व. बाळासाहेब ठाकरे यांनी उभा केला. समाजकारणाला अग्रक्रम देणारं राजकारण, अमोघ वक्तृत्व, रोखठोक स्वभाव यामुळेच त्यांना अनुयायांचं निरपेक्ष आणि चिरंतर प्रेम मिळालं. त्यांच्या स्मृतिदिनी त्यांना विनम्र अभिवादन! pic.twitter.com/9YO1YX3rsp

— Sharad Pawar (@PawarSpeaks) November 17, 2019

साहेब
साहेब साहेब..
शिवसेना जींदाबाद! pic.twitter.com/YpLu38kGzP

— Sanjay Raut (@rautsanjay61) November 17, 2019

महाराष्ट्र नवनिर्माण सेनेतर्फे स्व. बाळासाहेब ठाकरे ह्यांना विनम्र आदरांजली ??? pic.twitter.com/TVvfvKUpex

— MNS Adhikrut (@mnsadhikrut) November 17, 2019

शिवसेनेचे राज्यभरातील पदाधिकारी, आमदार, खासदार पुण्यतिथीनिमित्त स्मृतिस्थळाला भेट देत असतात व ते नेहमीप्रमाणे या ठिकाणी मोठ्या संख्येने जमणार असल्याने त्यांची योग्य ती व्यवस्था व्हावी व गर्दीचे नियोजन व्यवस्थित व्हावे, यासाठी शिवसेनेने मोठ्या प्रमाणावर स्वयंसेवकांची फौज तिथे तैनात ठेवल्याचे शिवसेनेतील सूत्रांनी सांगितले.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.