मुंबईत एकाच दिवशी चार पोलिसांचा कोरोनामुळे मृत्यू

मुंबई, १३ जून : राज्यातील कोरोनाबाधितांच्या संख्येने १ लाखाचा आकडा पार केला आहे. काल दिवसभरात नव्या ३ हजार ४९३ रुग्णांची भर पडली असून एकूण संख्या आता १ लाख १ हजार १४१ वर पोहोचला आहे. गेल्या २४ तासांत १२७ जणांचा मृत्यू झाला आहे. तर आतापर्यंत ३ हजार ७१७ जणांचा मृत्यू झाला आहे. शिवाय काल १ हजार ७१८ रुग्ण ठणठणीत बरे होऊन घरी देखील गेले आहेत. त्यामुळे आतापर्यंत ४७ हजार ७१६ रुग्ण कोरोनामुक्त झाले आहेत. सध्या राज्यात एकूण ४९ हजार ६१६ अॅक्टिव्ह रुग्ण असल्याची माहिती आरोग्यमंत्री राजेश टोपे यांनी दिली आहे.

दरम्यान, राज्याच्या पोलीस दलातही कोरोनाचा विळखा वाढत असून खाकी वर्दीतील अनेक योद्ध्यांना आपला जीव यात गमवावा लागत आहे. दुर्दैवी बाब म्हणजे मुंबईत आज एकाच दिवसो चार पोलीस कर्मचाऱ्यांचा कोरोनाने मृत्यू झाला आहे. वाकोला, बोरिवली, दिंडोशी या पोलीस ठाण्यात ते कार्यरत होते. एकाच दिवशी चार पोलीस कर्मचाऱ्यांच्या मृत्यूने मुंबई पोलीस दलात एकाच खळबळ माजली आहे.

4 police personnel who had tested positive for #COVID19 have lost their lives in the last 24 hours: Mumbai Police #Maharashtra pic.twitter.com/zJZWI9SuUm

— ANI (@ANI) June 13, 2020

शुक्रवारी आलेल्या आकडेवारीनुसार मागील दोन दिवसांत १२९ पोलिसांना कोरोनाची लागण झाली आहे. त्यानुसार एकूण कोरोनाबाधित पोलिसांची संख्या ३ हजार ३८८ वर पोहोचली आहे. राज्यात आतापर्यंत ४० पोलिसांचा मृत्यू झाला असून त्यातील २७ जण हे मुंबईतील होते. तसंच एकूण १ हजार ९४५ पोलिसांनी कोरोनावर यशस्वीपणे मात केली आहे.

News English Summary: Corona’s presence in the state’s police force is also on the rise, with many Khaki corona warriors losing their lives. Unfortunately, four policemen were killed by a corona in a single day in Mumbai today. He was working in Wakola, Borivali, Dindoshi police stations.

News English Title: Unfortunately four policemen were killed by a corona in a single day in Mumbai today News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.