लोटसचं ऑपरेशन | वसंत गिते आणि सुनील बागुल आज शिवसेनेत प्रवेश करणार

मुंबई, ८ जानेवारी: पूर्वाश्रमीचे शिवसैनिक व सध्या भारतीय जनता पक्षामध्ये असलेले नाशिकमधील दोन बडे नेते वसंत गिते व सुनील बागुल आज शिवसेनेत प्रवेश करणार आहेत. त्यामुळं शहरात शिवसेनेची ताकद वाढणार आहे. महापालिका निवडणुकांच्या पार्श्वभूमीवर होत असलेलं हे पक्षांतर म्हणजे भारतीय जनता पक्षासाठी मोठा धक्का मानला जात आहे.

सुनील बागूल हे नाशिकमधील शिवसेनेचे पहिले महापौर होते. तर बागूल हे जिल्हा प्रमुख होते. परंतु, सध्या भारतीय जनता पक्षामध्ये त्यांच्याकडे दुर्लक्ष होत असल्याचे सांगत त्यांनी पक्षातून बाहेर पडण्याचा निर्णय घेतल्याचे सुत्रांकडून कळते. दोन दिवसांपूर्वी या दोघांनी मुंबईत मुख्यमंत्री उद्धव ठाकरे यांची भेट देखील घेतली होती.

राज्याचे विरोधी पक्ष नेते देवेंद्र फडवणीस हे तीन दिवसानंतर नाशिक दौऱ्यावर येत आहेत. त्यांच्या या नियोजित दौऱ्यापूर्वी आज भारतीय जनता पक्षाला धक्का बसला आहे. गिते व बागुल यांच्या पक्षांतरानंतर नाशिकमधील स्थानिक राजकीय समीकरणे बदलणार असून भारतीय जनता पक्षाचे मोठे नुकसान होण्याची शक्यता आहे.

नाशिक महापालिका निवडणूक जवळ आली आहे. पालिकेवर आपल्याच पक्षाचा झेंडा फडकवण्यासाठी सर्व पक्ष जमेल त्या पद्धतीने राजकीय दावपेच टाकत आहेत. शिवसेनेनेही रणनीती आखायला सुरुवात केली आहे. माजी आमदार बाळासाहेब सानप यांनी शिवसेनेला सोडचिठ्ठी दिल्यानंतर ही पोकळी भरुन काढण्यासाठी शिवसेनेकडून प्रयत्न सुरु होते. त्यानंतर आता नाशिक भाजपचे दोन बडे नेते वसंत गीते आणि सुनील बागुल हे शिवसेनेत प्रवेश करणार आहेत. त्यांच्यासोबत आणखी काही नगरसेवकसुद्धा शिवसेनेत प्रवेश करणार असल्याची चर्चा आहे. महापालिकेच्या पार्श्वभूमीवर भाजपसाठी हा मोठा धक्का मानला जात आहे.

News English Summary: Vasant Gite and Sunil Bagul, two Shiv Sainiks from Purvashram and currently in the Bharatiya Janata Party, will join the Shiv Sena today. Therefore, the strength of Shiv Sena will increase in the city. This change of party taking place on the backdrop of municipal elections is being considered as a big blow for the Bharatiya Janata Party.

News English Title: Vasant Gite and Sunil Bagul will join Shivsena in presence of news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.