"चोर झाले थोर", मोदी देशासाठी पंतप्रधान असतील, माझ्यासाठी मात्र नरेंद्रभाई - उद्धव ठाकरे

काल पर्यंत एकमेकांच्या मुळावर उठलेले भाजप – शिवसेना आज एकमेकांचे गोडवे गात आहेत. काल पर्यंत चोर वाटत असलेले पंतप्रधान नरेंद्र मोदी आज उद्धव ठाकरेंना थोर वाटत आहेत. “नरेंद्र मोदी हे देशासाठी पंतप्रधान असतील, मात्र माझ्यासाठी ते नरेंद्रभाई आहेत”. तुमच्या भावासारखी असणारी व्यक्ती देशाच्या पंतप्रधानपदी असणे ही निश्चितच अभिमानाची गोष्ट आहे, अशा शब्दांत शिवसेना पक्षप्रमुख उद्धव ठाकरे यांनी नरेंद्र मोदींचं कौतुक केलं.

कालपर्यंत एकमेकां विरोधात गरळ ओकणारे आम्ही आज एवढे गोड कसे बोलू शकतो असा प्रश्न सर्वांना पडला आहे परंतु यापूर्वी आम्ही केलेला विरोध हा व्यक्तिगत कारणास्तव नसून जनतेच्या कामांसाठी होता. युती करतानाच या मुद्द्यांवर सहमती झाली आणि भाजपने ते मार्गीही लावले याचा आम्हाला आनंद आहे, असे उद्धव ठाकरेंनी सांगितले.

या कार्यक्रमात मुख्यमंत्री देवेंद्र फडणवीस यांनीही “ही युती म्हणजे फेविकॉल का मजबूत जोड, ती तुटणार नाही” असा विश्वास व्यक्त केला. युतीमुळे विरोधकांच्या तोंडचे पाणी पळाले आहे. काहींनी घाबरून आधीच माघार घेतल्याचा टोला मुख्यमंत्र्यांनी शरद पवार यांचे नाव न घेता लगावला.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.