व्हिडिओ: BMC एल वॉर्डवर मनसेचा मोर्चा, नगरसेवक तुर्डे यांच्यासाठी मनसे मैदानात

मुंबई : मुंबई महानगरपालिकेतील मनसेचे नगरसेवक संजय तुर्डे यांच्या वॉर्डात विकास कामं होऊ देत नसल्याचा आरोप करत महाराष्ट्र नवनिर्माणसेनेचे कार्यकर्ते, पदाधिकारी आणि नेते सर्वच मैदानात उतरले होते. पालिकेच्या अधिकाऱ्यांना जाब विचारण्यासाठी कुर्ल्यातलं एल वॉर्ड ऑफिस गाठलं. याआधी ज्या कंत्राटदाराला मारहाण केल्याप्रकरणी नगरसेवक संजय तुर्डे यांना ५५ दिवस जेलमध्ये राहावे लागले होते आणि त्या कंत्राटदाराला स्थायी समितीची परवानगी नसताना सुद्धा तो कशी काय मुंबई महापालिकेची कामं करु शकतो, असा सवाल पक्षाच्या नेतेमंडळींनी विचारला.

त्यात मनसेचे माजी नगरसेवक संदीप देशपांडे यांनी नेहमीच्या आक्रमक शैलीत अधिकाऱ्यांना चांगलेच धारेवर धरले तर माजी आमदार आणि पक्षाचे वरिष्ठ नेते बाळा नांदगावकर यांनी सुद्धा अधिकाऱ्यांना शिस्तीत जाब विचारला. बैठकीत एका बाजूला संदीप देशपांडे आक्रमकपणे अधिकाऱ्यांना धारेवर घेत होते तर दुसरीकडे बाळा नांदगावकर संयमाने अधिकाऱ्यांना फैलावर घेताना दिसले.

मुंबई महापालिकेतील नगरसेवकांना कोणत्या कामासाठी निधी दिला जाऊ शकतो याचं उत्तर देण्यासाठी १५ दिवसांची मुदत मनपा अधिका-यांनी मागितली. दरम्यान, नगरसेवक संजय तुर्डे यांच्यासाठी संपूर्ण पक्षच मैदानात उतरल्याने पालिकेच्या अधिकाऱ्यांची चांगलीच दमछाक झालेली पाहायला मिळाली. सध्या मनसे सुद्धा सामान्यांच्या प्रश्नांवर आक्रमक झालेली पाहायला मिळत आहे आणि त्यातून सत्ताधारी शिवसेनेची सुद्धा अप्रत्यक्ष राजकीय अडचण होत आहे, असं एकूण चित्र आहे.

व्हिडिओ : नेमकं कसं धारेवर धरण्यात आलं अधिकाऱ्यांना?

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.