नाशिक पोटनिवडणुकीत मनसेचा सत्ताधाऱ्यांना धोबीपछाड

नाशिक : नाशिक मनपा क्रमांक १३ (क) मध्ये झालेल्या पोटनिवडणुकीत मनसेने राज्य आणि केंद्रातील सत्ताधारी पक्ष भाजप आणि शिवसेनेच्या उमेदवारांना धूळ चारली आहे. या विजयामुळे मनसे कार्यकर्त्यांमध्ये आनंदच वातावरण आहे.

मनसेच्या उमेदवार वैशाली मनोज भोसले या २००० मतांनी विजयी झाल्या असून मनसेने हा गड राखून सत्ताधारी भाजप आणि शिवसेनेच्या उमेदवारांना धूळ चारली आहे. भाजप आणि शिवसेनासुद्धा स्वतःच्या नगरसेवकांचा आकडा महापालिकेत वाढावा म्हणून संपूर्ण ताकदीनिशी मैदानात उतरली होती. परंतु मनसेने त्यांच्या या स्वप्नांना सुरुंग लावला आहे.

त्यांच्या प्रतिस्पर्धी उमेदवार शिवसेनेच्या स्नेहक चव्हाण आणि भाजपच्या विजया लोणारी या अनुक्रमे दुसऱ्या आणि तिसऱ्या स्थानी राहिल्या.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.